Dinamalar

தன் படங்களின் அப்டேட் கொடுத்த ஜிவி பிரகாஷ்குமார்

ஒரு பக்கம் நடிப்பு, மற்றொரு பக்கம் இசை என மிகவும் பிஸியாக இருந்து வருகிறார் ஜிவி பிரகாஷ்குமார். தற்போது 'தங்கலான்' படத்திற்கான பின்னணி இசையை அமைத்துக் கொண்டிருக்கிறார். பா ரஞ்சித் இயக்கத்தில், விக்ரம், பார்வதி, மாளவிகா மோகனன் மற்றும் பலர் நடிக்கும் படம் இது.

இதன் இசை குறித்து, “தங்கலான்' பின்னணி இசை வேலைகள் நடந்து கொண்டிருக்கிறது. மிகவும் ஸ்பெஷலாக வித்தியாசமாக இருக்கப் போகிறது. குரல்களில் புதிய ஸ்டைல், விரைவில் திரையில் உங்களுக்கு தருவதில் உற்சாகம்,” எனப் பதிவிட்டுள்ளார்.

அவரது பதிவுக்கு தனுஷ் ரசிகர் ஒருவர் “நிலவுக்கு என் மேல் என்னடி கோபம்” படத்தின் அப்டேட் தாருங்கள் எனக் கேட்க அதற்கு ஜிவி, “நான்கு பாடல்களுமே உற்சாகமாக இருக்கிறது. தனுஷ் சார் இயக்கத்தில் முதல் முறை. ஒவ்வொரு பாடலுக்கும் காத்திருங்கள், ஒவ்வொன்றுமே ஸ்பெஷல். இதன் பாடல்கள் விரைவில் வெளியாக உள்ளது. அதுதான் எனது அடுத்த உடனடி ரிலீஸ் என நினைக்கிறேன்” என பதிலளித்துள்ளார்.

தனுஷ் ரசிகர் அப்டேட் கேட்டதும் சிவகார்த்திகேயன் ரசிகர் சும்மா இருப்பாரா, “அப்போ அமரன்” எனக் கேட்க அவருக்கு, “அமரன்' படமும் கண்டிப்பாக ஸ்பெஷல்தான். அதன் வெளியீட்டுத் தேதி பற்றித் தெரிந்ததும் அப்டேட் தருகிறேன்,” என பதிலளித்துள்ளார்.

கதாநாயகனாக இந்த வருடம் அடுத்தடுத்து தோல்விகளைத் தந்தாலும் இசையமைப்பாளராக அடுத்தடுத்து சில நல்ல படங்கள் ஜிவிக்கு வர உள்ளது.

• 
  தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்
• 
  'கல்கி 2' படத்திலிருந்தும் தீபிகா படுகோனே விலகல்?
• 
  சூப்பர் ஹீரோ படத்திற்காக லோகேஷ் கனகராஜ் உடன் கைகோர்க்கும் அமீர்கான்
• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்
• 
  5 ஆண்டுகளாக உருவான 'சையாரா' பாடல்கள்

• 
  இரவில் சிரித்து பேசிய தந்தையை காலையில் உயிருடன் பார்க்கவில்லை : ஷைன் டாம் ...
• 
  இசையமைப்பாளர் ஆனார் இளையராஜா பேரன்
• 
  விடுமுறை நாளிலும் வசூலில் ஏமாற்றிய தக் லைப்
• 
  நாக சைதன்யாவை காதலித்தபோது கழுத்தின் பின்பகுதியில் குத்திய டாட்டூவை ...
• 
  தக் லைப் படத்தை புகழ்ந்து பதிவிட்ட இயக்குனர் கார்த்திக் சுப்பராஜ்