Dinamalar

ரீ ரிலீஸ் : அஜித் பிறந்தநாளில் மங்காத்தாவா... பில்லாவா...

என்னதான் விஜய்யும், அஜித்தும் தங்களை நெருக்கமான நண்பர்களாக காட்டிக் கொண்டாலும் அவரது ரசிகர்கள் இப்போதும் எலியும், பூனையுமாகத்தான் இருக்கிறார்கள். இதனை தயாரிப்பாளர்கள் வியாபார யுக்திக்காக பயன்படுத்திக் கொள்கிறார்கள். அது ரீ ரிலீஸ் டிரண்டிங்கிலும் தொடர்கிறது.

சமீபத்தில் ரீ ரிலீஸ் செய்யப்பட்ட 'கில்லி' படம் 12 கோடிக்கு மேல் வசூலித்து புதிய சாதனை படைத்தது. இதை தொடர்ந்து அஜித் நடித்த 'மங்காத்தா' படத்தை ரீ ரிலீஸ் செய்ய இருப்பதாக கூறப்பட்டது.

ஆனால் தற்போது 'பில்லா' படத்தை வெளியிட இருப்பதாக அதிகாரபூர்வமாக அறிவித்துள்ளார்கள். அஜித்தின் பிறந்த நாளான மே முதல் தேதியில் தமிழ்நாடு முழுவதும் 150க்கும் மேற்பட்ட தியேட்டர்களில் வெளியிடுகிறார்கள். ஏடிஎம் புரொடக்ஷன் என்ற நிறுவனம் வெளியிடுகிறது.

1980ம் ஆண்டு ரஜினி, ஸ்ரீப்ரியா நடித்த 'பில்லா' படம், 2007ம் ஆண்டு அஜித் நடிப்பில் ரீமேக் ஆனது. இதில் நயன்தாரா, நமீதா நடித்திருந்தார்கள். விஷ்ணுவர்தன் இயக்கி இருந்தார். நீரவ்ஷா ஒளிப்பதிவு செய்திருந்தார், யுவன் சங்கர் ராஜா இசை அமைத்திருந்தார். இரண்டு படங்களுமே பெரிய வெற்றி பெற்றது. தற்போது ரீ ரிலீஸில் கில்லி சாதனையை முறியடிக்குமா என்கிற கேள்வி எழுந்துள்ளது.

அதேசமயம் மே 1ல் மங்காத்தாவும் வெளியாகலாம் என தெரிகிறது. ஒரேநாளில் இரண்டு அஜித் படங்கள் ரீ-ரிலீஸ் ஆகுமா... அல்லது வேறு தேதியில் மங்காத்தா வெளியாகுமா என்பது இனி வரும் நாட்களில் தெரியவரும்.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  தியேட்டர் நெரிசல் பலி - 'ஏ 11' குற்றவாளியான அல்லு அர்ஜுன்
• 
  சூர்யா 46வது படத்தின் கதை : தயாரிப்பாளர் வெளியிட்ட தகவல்
• 
  ரெட்ட தல, சிறை படங்களின் பாக்ஸ் ஆபீஸ் நிலவரம்
• 
  கதை திருட்டு புகாரில் சிக்கிய பராசக்தி : உயர்நீதிமன்றம் போட்ட உத்தரவால் ...
• 
  வளர்ந்து வந்த காலத்தில் போட்டிக்குப் போன விஜய்... : அவர் செய்தால் நியாயம், ...