Dinamalar

மீண்டும் ஹிந்துவாக மாறிய இசையமைப்பாளர் ஜிப்ரான்!

கடந்த 2011ம் ஆண்டு சற்குணம் இயக்கத்தில் விமல் - இனியா நடித்து வெளியான படம் வாகை சூடவா. இந்த படத்தில் இசையமைப்பாளராக அறிமுகமானவர் ஜிப்ரான். அதன்பிறகு, வத்திக்குச்சி, திருமணம் எனும் நிக்கா, குட்டிப்புலி, பாபநாசம், தீரன் அதிகாரம் ஒன்று, ராட்சசன் என 50க்கும் மேற்பட்ட படங்களுக்கு இசையமைத்திருக்கிறார்.

இந்நிலையில் இவர் இசையமைத்து சமீபத்தில் திரைக்கு வந்த ‛குரங்கு பெடல்' என்ற படத்தில் அவரது பெயர் ஜிப்ரான் வைபோதா என இடம்பெற்றிருந்தது. இந்த பெயர் மாற்றம் குறித்து ஜிப்ரான் அளித்துள்ள பேட்டியில், ‛‛என்னுடைய தந்தை பெயர் கணேஷ் பாலாஜி வைபோதா. வைபோதா என்றால் விழித்தெழுதல் என்று பொருள். சிலகாலம் இஸ்லாம் மதத்தை பின்பற்றி வந்த நான், கடந்த 4 ஆண்டுகளாக மீண்டும் ஹிந்துவாகி விட்டேன். சட்டபூர்வமாகவும் அனைத்து மாற்றங்களையும் செய்து விட்டேன். அதன் காரணமாக ஜிப்ரான் என்ற எனது பெயருடன் எனது தந்தையின் பெயரையும் இணைத்து குரங்கு பெடல் படத்தில் ஜிப்ரான் வைபோதா என டைட்டில் கார்டில் என் பெயரை போட்டேன். மீண்டும் ஹிந்துவாகி விட்டதால் இனி நான் இசையமைக்கும் அனைத்து படங்களிலும் ஜிப்ரான் வைபோதா என்றே எனது பெயர் இடம்பெறும்,'' என்றும் அந்த பேட்டியில் தெரிவித்து இருக்கிறார் ஜிப்ரான்.

• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி
• 
  நிலத்தில் உழவு செய்த சல்மான் கான், தோனி

• 
  தனுஷை தொடர்ந்து கார்த்தியை இயக்கும் எச்.வினோத்?
• 
  விஜய் அரசியலுக்கு வருவது சமூகத்தின் மீதான அக்கரையை காட்டுகிறது!- ...
• 
  ஜனநாயகனை விட பராசக்திக்கு கூடுதல் தியேட்டர்கள் ஒதுக்கப்பட்டுள்ளதா? - ...
• 
  நீலாம்பரி போல கதாபாத்திரங்கள் கிடைத்தால் நடிப்பேன் ; நமீதா விருப்பம்
• 
  படங்களின் லாப நட்ட கணக்கை ஏன் வெளியே சொல்ல வேண்டும் ? நிவின்பாலி கேள்வி