Dinamalar

பய்யா ஜி: மனோஜ் பாஜ்பாயின் 100வது படம்

பிரபல பாலிவுட் நடிகர் மனோஜ் பாஜ்பாய். கதையின் நாயகனாகவும், குணசித்ர வேடங்களிலும் தனது ஆர்ப்பாட்டமில்லாத நடிப்பின் மூலம் புகழ்பெற்றவர். 1994ல் ஷேகர் கபூர் இயக்கிய 'பண்டிட் குயின்' படத்தில் அறிமுகமான இவர் ராம்கோபால் வர்மா இயக்கிய 'சத்யா' படத்தின் மூலம் மேலும் பிரபலமானார்.

'கேங்ஸ் ஆப் வசிப்பூர்', உள்ளிட்ட படங்கள் மூலமும், 'தி பேமிலி மேன்' உள்ளிட்ட வெப் தொடர்கள் மூலமும் இந்தியா முழுக்க அறிந்த நடிகர் ஆனார். தமிழில் அஞ்சான், சமர் ஆகிய படங்களிலும் நடித்துள்ளார். இதுவரை 3 தேசிய விருதுகளை பெற்றுள்ளார்.

தற்போது அவர் பல படங்களில் நடித்து வந்தாலும் அவரது 100வது படமாக வெளிவருகிறது 'பய்யா ஜி'. இந்த படத்தை அபூர்வ் சிங் கார்கி இயக்குகிறார். மனோஜ் பாஜ்பாயுடன் சோயா ஹுசைன், சுவிந்தர் விக்கி, ஜிதின் கோஸ்வாமி உள்பட பலர் நடிக்கிறார்கள். படம் வருகிற 24ம் தேதி வெளிவருகிறது. இந்த நிலையில் படத்தின் டிரைலர் மற்றும் பர்ஸ்ட் லுக் வெளியீட்டு விழா மும்பை அந்தேரியில் நடந்தது.

இதில் பேசிய மனோஜ் பாஜ்பாய், “நான் 10 படங்களுக்கு மேல் நடிப்பேன் என நினைத்ததில்லை. ஆனால் வாழ்க்கை என்னை 100 படங்களில் நடிக்க அனுமதித்துள்ளது. இதனால் நான் மட்டுமே கடின உழைப்பை செய்கிறேன் என்று அர்த்தமில்லை. அனைத்து கலைஞர்களுமே தினமும் போராடுகிறார்கள். கடவுள், ரசிகர்களின் ஆதரவினால் மட்டுமே நான் இந்த இடத்துக்கு வந்துள்ளேன்” என்றார்.

• 
  தனுஷை தொடர்ந்து கார்த்தியை இயக்கும் எச்.வினோத்?
• 
  விஜய் அரசியலுக்கு வருவது சமூகத்தின் மீதான அக்கரையை காட்டுகிறது!- ...
• 
  ஜனநாயகனை விட பராசக்திக்கு கூடுதல் தியேட்டர்கள் ஒதுக்கப்பட்டுள்ளதா? - ...
• 
  நீலாம்பரி போல கதாபாத்திரங்கள் கிடைத்தால் நடிப்பேன் ; நமீதா விருப்பம்
• 
  படங்களின் லாப நட்ட கணக்கை ஏன் வெளியே சொல்ல வேண்டும் ? நிவின்பாலி கேள்வி

• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி
• 
  நிலத்தில் உழவு செய்த சல்மான் கான், தோனி