Dinamalar

இரண்டு தயாரிப்பாளர்களால் கமல்ஹாசனுக்கு நெருக்கடி

கமல்ஹாசன் தற்போது 'தக் லைப்' படத்தில் நடித்து வருகிறார். சமீபகாலமாக இப்படம் தவிர்த்து கமல்ஹாசனும் அடிக்கடி செய்திகளில் அடிபட்டு வருகிறார். குறிப்பாக 'உத்தம வில்லன்' படம் குறித்த விவகாரம் ஒன்று கடந்த சில வாரங்களாக சர்ச்சைக்குள்ளாகி வந்தது. அப்படத்தின் நஷ்டத்திற்காகத் தங்களுக்கு ஒரு படத்தில் நடித்துக் கொடுப்பதாகக் கமல்ஹாசன் கூறியிருந்தார். ஆனால், அதன்படி அவர் நடிக்கவில்லை என 'உத்தம வில்லன்' தயாரிப்பாளர்களான இயக்குனர் லிங்குசாமி, அவரது தம்பி சுபாஷ் சந்திர போஸ் தயாரிப்பாளர் சங்கத்திடம் புகார் அளித்து அதற்கான பேச்சுவார்த்தை இன்று(மே 10) நடைபெற்றது.

இந்நிலையில் 'தக் லைப்' படத்தில் சிம்பு நடிக்கக் கூடாதென தயாரிப்பாளர் ஐசரி கணேஷ் தயாரிப்பாளர் சங்கத்தில் புதிய புகார் ஒன்றை அளித்துள்ளார்.'கொரானோ குமார்' படத்தில் நடித்து முடித்த பிறகே அவர் 'தக்லைப்' படத்தில் நடிக்க வேண்டும் என அவரது புகாரில் குறிப்பிட்டுள்ளார். ஏற்கெனவே 'தக் லைப்' படத்தில் நடிக்கவிருந்த துல்கர் சல்மான், ஜெயம் ரவி ஆகியோர் விலகிய நிலையில் தற்போது சிம்பு அதில் புதிதாக சேர்ந்துள்ளார். ஐசரி கணேஷ் புகாரை அடுத்து அதற்கும் சிக்கல் வந்துள்ளது.

கமல்ஹாசனை நோக்கியும், அவரது படத்தை நோக்கியும் அடுத்தடுத்து புகார்கள் வந்துள்ளது திரையுலகில் தற்போதைய பரபரப்புப் பேச்சாக உள்ளது.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  ரிலீசில் ரிகார்டு!: வசூலில் பெரும்பாடு: தமிழ் சினிமாவில் ரூ.2000 கோடியை ...
• 
  'டாக்சிக்' படத்தின் அனுபவம் குறித்து ருக்மணி வசந்த்!
• 
  விஜய் முடிவை மாத்தணும்.. மீண்டும் நடிக்கணும்: நடிகர் நாசர் கோரிக்கை
• 
  'ஜனநாயகன்' பாடல் வெளியீட்டு விழாவில் விஜய் பேசியது என்ன? மறந்தது என்ன?
• 
  தியேட்டரை மட்டும் நம்பாதீங்க: 2025 சொல்லி கொடுத்த பாடம்