Dinamalar

'இந்தியன் 2 - காலண்டர் பாடல்' : ஒளிப்பதிவு செய்த ரத்தினவேலு

தமிழ், தெலுங்கு என இரு மொழிகளிலும் பிஸியான ஒளிப்பதிவாளர் ரத்தினவேலு. 1997ல் வெளிவந்த 'அரவிந்தன்' படத்தின் மூலம் ஒளிப்பதிவாளராக அறிமுகமாமனார். 'சேது, நந்தா, ஜெயம், திருமலை, வாரணம் ஆயிரம், எந்திரன், எதற்கும் துணிந்தவன்” உள்ளிட்ட பல தமிழ்ப் படங்களுக்கு ஒளிப்பதிவு செய்தவர். தற்போது தெலுங்கில் 'தேவரா' படத்திற்கு ஒளிப்பதிவு செய்து வருகிறார்.

'இந்தியன் 2' படத்திற்கு ஒளிப்பதிவாளராக ஒப்பந்தம் செய்யப்பட்ட ரவி வர்மன் 'பொன்னியின் செல்வன்' படத்திற்குச் சென்றதால் ரத்தினவேலு ஒளிப்பதிவு பொறுப்பை ஏற்றார். சில கட்டப் படப்பிடிப்புகளில் பணியாற்றிய பின் படத்தின் படப்பிடிப்பு தாமதமாகவே அவரும் விலகினார். பின்னர் ரவி வர்மன் மீண்டும் ஒளிப்பதிவாளராகப் பணியாற்றத் தொடங்கினார்.

நேற்று இப்படத்தின் 'காலண்டர்' பாடல் வெளியானது. பாடலைப் பார்த்த பலரும் பாடல் படமாக்கப்பட்ட இடமும் ஒளிப்பதிவும் சிறப்பாக இருந்ததாகப் பாராட்டினார்கள்.

அதையடுத்து ஒளிப்பதிவாளர் ரத்தினவேலு அவரது எக்ஸ் தளத்தில், “அனிருத்தின் இசையில் உருவான இந்த அழகான பாடலை 'இந்தியன் 2' படத்திற்காக பொலிவியா-வில் படமாக்கினோம்,” எனப் பதிவிட்டுள்ளார்.

அதன்பிறகே அவர்தான் அந்தப் பாடலை அற்புதமாகப் படமாக்கியவர் என்பது ரசிகர்களுக்குத் தெரிய வந்தது. யு டியூப் வீடியோவிலும் அப்பாடலுக்கு ஒளிப்பதிவு செய்தது ரத்தினவேலு என்று குறிப்பிடப்படவில்லை. படத்தின் போஸ்டர்களிலும் அவரது பெயர் இதுவரை இடம் பெறவில்லை. இது குறித்து ரசிகர்களும் கமெண்ட் செய்து வருகிறார்கள்.

• 
  சிறுத்தையின் கர்ஜனையால் தெறித்து ஓடிய நடிகை மவுனி ராய்
• 
  'திரிஷ்யம்-3'யில் அக்ஷய் கண்ணாவுக்கு பதிலாக நடிக்கும் விஸ்வரூபம் ...
• 
  ஷாருக்கானின் பதான் பட வசூலை முறியடிக்கும் துரந்தர்
• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'

• 
  ஹீரோவாக மாறும் காமெடியன் ரவி மரியா: ஹீரோயின் தேடும் பணி தீவிரம்
• 
  ஜனநாயகன் முதல் காட்சி டிக்கெட் விலை எவ்வளவு : இதுதான் கோலிவுட்டில் ஹாட் ...
• 
  சரஸ்வதி பட படப்பிடிப்பை நிறைவு செய்த வரலட்சுமி
• 
  ஊட்டுகுளங்கரா பகவதி கோவிலில் அஜித் வழிபாடு
• 
  கண்ணீரை வரவழைத்தது : சிறை படத்தை பாராட்டிய இயக்குனர் ஷங்கர்