Dinamalar

சுசீந்திரன் படத்தில் 3வது முறையாக இணைந்த மீனாட்சி

சுசீந்திரன் இயக்கும் புதிய படம் '2கே லவ் ஸ்டோரி'. இதனை சிட்டி லைட்ஸ் பிக்சர்ஸ் சார்பில் விக்னேஷ் சுப்ரமணியன் தயாரிக்கிறார். புதுமுக நாயகன் ஜெகவீர் நாயகனாக நடிக்கும் இப்படத்தில் மீனாட்சி கோவிந்தராஜன் நாயகியாக நடிக்கிறார். இவர் சுசீந்திரன் இயக்கிய 'கென்னடி கிளப்' படத்தின் மூலம்தான் அறிமுகமானார். அதன்பிறகு 'வீரபாண்டியபுரம்' படத்தில் நடித்தார். இப்போது 3வது முறையாக சுசீந்திரனுடன் இணைந்துள்ளார். தவிர, பால சரவணன், ஆண்டனி பாக்யராஜ், ஜெயபிரகாஷ், வினோதினி மற்றும் பலர் இணைந்து நடிக்கின்றனர். இமான் இசையமைக்கிறார்.

இதன் படப்பிடிப்பை இயக்குனர் பாண்டிராஜ் தொடங்கி வைத்தார். பின்னர் படம் குறித்து சுசீந்திரன் கூறியதாவது: நீண்ட இடைவெளிக்கு பிறகு நான் இயக்கும் இளைஞர்களை பற்றிய கதை. 2கே தலைமுறையின் காதல், நட்பு, என அவர்களது வாழ்வை பிரதிபலிக்கும் படைப்பாக உருவாகிறது. வெட்டிங் போட்டோகிராபி எடுக்கும் ஒரு இளைஞர் குழுவின் வாழ்வில் நடக்கும் சம்பவங்களை அடிப்படையாகக் கொண்டு திரைக்கதை அமைக்கப்பட்டுள்ளது. கோயம்புத்தூரில் நடக்கும் கதை என்பதால், இப்படத்தின் படப்பிடிப்பை கோவை மற்றும் சென்னையில் நடத்துகிறோம் என்றார்.

• 
  ‛ஆசாத் பாரத்' பற்றி நெகிழும் இந்திரா திவாரி
• 
  நிலத்தில் உழவு செய்த சல்மான் கான், தோனி
• 
  'திரிஷ்யம் 3' படத்திலிருந்து விலகிய அக்ஷய் கண்ணா ; சம்பள பிரச்னை காரணமா ?
• 
  ஜனவரி 23-ல் நெட் பிளிக்ஸில் தேரே இஸ்க் மே
• 
  2025ல் நம்பர் 1 வசூல் - 'காந்தாரா சாப்டர் 1'ஐ முந்திய 'துரந்தர்'

• 
  டிரெயின்-ல் ஸ்ருதிஹாசன் பாடிய கன்னக்குழிக்காரா
• 
  ரஜினிக்காக மட்டுமே அதை செய்தேன் : சொல்கிறார் உபேந்திரா
• 
  மறு தணிக்கைக்கு செல்லும் பராசக்தி
• 
  வருட இறுதியில் ஓடிடியில் மகிழ்விக்க வரிசைக்கட்டும் 'புதுப்படங்கள்'..!
• 
  குரு சோமசுந்தரம், அனுமோல் இணைந்து நடிக்கும் பாரிஸ் கபே