கண்காணா இடத்திற்கு போக முடிவெடுத்தேன் : பார்த்திபன் நெகிழ்ச்சி பதிவு

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

14 ஜூலை, 2024 - 05:45 IST

எழுத்தின் அளவு:

I-decided-to-go-to-an-unseen-place-:-Parthiban-post

சிறுவர்களை மையமாக வைத்து பார்த்திபன் இயக்கி, முக்கிய வேடத்திலும் நடித்துள்ள ‛டீன்ஸ்' படம் நேற்று முன்தினம் (ஜூலை 12) திரைக்கு வந்தது. யோகி பாபுவும் முக்கிய வேடத்தில் நடித்துள்ளார். திரில்லர் மற்றும் சயின்ஸ் பிக்ஷன் படமாக வெளியாகி உள்ள இந்த படத்திற்கு பரவலாக பாராட்டுகள் கிடைத்து வருகின்றன. இதுபற்றி எக்ஸ் தளத்தில் நெகிழ்ச்சி உடன் ஒரு பதிவு போட்டுள்ளார் பார்த்திபன்.

அதில், ‛‛நண்பர்களே... சத்தியமா சொல்றேன் TEENZ-க்கு(டீன்ஸ்) உரிய மரியாதை குழந்தைகள் மற்றும் குடும்பங்களிடம் இருந்து கிடைக்கலைன்னா நான் மிகவும் நேசித்த, உயிராய் சுவாசித்த சினிமாவை விட்டு விலகி கண்காணா இடத்துக்கு மறைஞ்சே போயிட முடிவெடுத்தேன். இப்ப நீங்க எல்லாரும் ஒரு முகமா குடுக்குற பாராட்டுல நான் 'ஓ'ன்னு சந்தோஷத்தில அழுவுறது உங்களுக்கு கேக்க வாய்ப்பே இல்லே. இது போதாது இன்னும் ஆதரவு தந்து பலரும் பாக்க உதவி செஞ்சி என்னை சந்தோஷத்தில சாகடிங்க. அடுத்த தலைமுறை ரசிக்கும் படியும் மூட நம்பிக்கைகளுக்கு எதிராக ஒரு சயின்ஸ் பிக்ஷன் மற்றும் பேண்டஸி எண்ணத்தில் எடுக்கப்பட்ட இப்படம் பள்ளிகளும், கல்லூரிகளும் இல்லங்களும் கொண்டாட வேண்டும்''.

நன்றி :பார்வையிட்டவர்களின் பாதங்களுக்கு
வரம் : வரவிருக்கும் தூய்மையான வெற்றி.
நனைந்த இமைகளோடு
இராதாகிருஷ்ணன் பார்த்திபன்

இவ்வாறு அவர் குறிப்பிட்டுள்ளார்.

Teenz

Parthiban

கருத்துகள் (0) கருத்தைப் பதிவு செய்ய

ராயன் படத்தின் டிரைலர் ரிலீஸ் தேதி ...

மாவீரன் வெளியாகி ஓராண்டு : ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய