Dinamalar

கவுதம் மேனன் படப்பிடிப்பில் சிபிஐ கதாசிரியரின் பட டிரைலரை வெளியிட்ட மம்முட்டி

மம்முட்டி நடிப்பில் மலையாளத்தில் பல வருடங்களுக்கு முன்பு வெளியான ஒரு சிபிஐ டைரி குறிப்பு என்கிற படம் மிகப்பெரிய வெற்றியை பெற்றது. அதை தொடர்ந்து அடுத்தடுத்து இந்த படத்தின் நான்கு பாகங்கள் வெளியான நிலையில் கடந்த 2022ல் இந்த படத்தின் ஐந்தாம் பாகமாக ‛சிபிஐ 5 ; தி பிரைன்' என்கிற படம் வெளியானது. இந்த ஐந்து பாகங்களுக்கும் கதை எழுதியவர் பிரபல சீனியர் கதாசிரியரான எஸ்.என் சுவாமி என்பவர் தான். மம்முட்டி, மோகன்லால், சுரேஷ்கோபி ஆகியோர் நடித்த பல வெற்றி படங்களுக்கு கதை எழுதிய இவர், முதல் முறையாக தற்போது தனது 73வது வயதில் இயக்குனராக மாறி ‛சீக்ரெட்' என்கிற படத்தை இயக்கியுள்ளார்.

இந்த படத்தில் வினீத் சீனிவாசனின் தம்பியும், நயன்தாரா நடித்த லவ் ஆக்சன் ட்ராமா படத்தின் இயக்குனருமான தியான் சீனிவாசன் கதாநாயகனாக நடித்துள்ளார். இந்த நிலையில் இந்த படத்தின் டிரைலர் தற்போது வெளியாகி உள்ளது. மம்முட்டி இந்த டிரைலரை வெளியிட்டுள்ளார். தற்போது கவுதம் மேனன் இயக்கத்தில் நடித்து வரும் படத்தின் படப்பிடிப்பு தளத்திற்கு நேரில் சென்ற எஸ்என் சுவாமி மம்முட்டியின் கையால் இந்த டிரைலரை வெளியிட வைத்துள்ளார். இந்த நிகழ்வின் போது இயக்குனர் கவுதம் மேனனும் உடன் இருந்தார். ஒரு இயக்குனராகவும் எஸ்என் சுவாமி வெற்றி வருவார் என எதிர்பார்க்கலாம்.

• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?
• 
  ஜான்வி கபூரின் ‛பரம் சுந்தரி' ரிலீஸ் தேதி அறிவிப்பு

• 
  சிரிப்பிற்கு தனி அடையாளம் தந்த நடிகர் மதன் பாப் காலமானார்
• 
  அதிரடி மாஸ் காட்டும் ரஜினியின் ‛கூலி' பட டிரைலர்
• 
  சூர்யாவின் 46வது படத்தில் இணைந்த பவானிஸ்ரீ
• 
  கிளைமேக்ஸ் மாற்றப்பட்டு ரீ-ரிலீஸ் ஆன தனுஷ் படம் : இயக்குனர் கோபம்
• 
  துள்ளுவதோ இளமை அபினய்க்கு என்னாச்சு : லிவர் ஆபரேசனுக்காக ...