Dinamalar

குழந்தை நட்சத்திரங்கள் வளர காத்திருந்தது ஏன்? - ஹலிதா ஷமீம் விளக்கம்

தமிழ் சினிமாவில் முக்கியமான பெண் இயக்குனர்களில் ஒருவர் ஹலிதா ஷமீம். பூவரம் பீபீ, சில்லு கருப்பட்டி, ஏலே படங்களின் மூலம் கவனம் ஈர்த்த இவர் தற்போது 'மின்மினி' என்ற படத்தை இயக்கி உள்ளார். இதனை ஒளிப்பதிவாளர் மனோஜ் பரமஹம்சா தயாரித்து ஒளிப்பதிவு செய்துள்ளார். ஏ.ஆர்.ரஹ்மானின் மகள் கதீஜா ரஹ்மான் இசை அமைத்துள்ளார். குழந்தை நட்சத்திரமாக நடித்தவர்கள் வளர்ந்து ஆளான பிறகு அவர்களை மீண்டும் அதே கேரக்டர்களில் நடிக்க வைத்து உருவாகி இருக்கும் படம் இது. இந்த படத்தின் பணிகள் முடிந்து விரைவில் வெளிவர இருக்கிறது. படம் பற்றி

ஹலிதா ஷமீம் கூறியதாவது : “குழந்தைகளை சின்ன வயதில் வைத்து படம் எடுத்து பின்னர் அதற்காக காத்திருந்தார்களே அந்தப் படமா என பலரும் கேட்கிறார்கள். இதைப் புதுமுயற்சியாக செய்ய வேண்டும் என்று நினைத்து நாங்கள் செய்யவில்லை. படம் எடுக்க ஆரம்பித்தபோது கூட இப்படி காத்திருப்போம் என்று நாங்களும் நினைக்கவில்லை. ஏனெனில், குழந்தைகளாக இவர்கள் சின்சியராக நடித்துக் கொடுத்ததை இவர்கள் வளர்ந்த பிறகு வந்த போர்ஷனை பிற நடிகர்கள் நடித்துக் கொடுப்பார்களா எனத் தெரியவில்லை. அதனால்தான் அவர்களுக்காகக் காத்திருந்தேன்.

குழந்தை பருவத்திலிருந்து பதின்ம வயதுக்கு மாறும்போது அவர்களிடம் ஏற்படும் மனம் மற்றும் உடல்ரீதியான மாற்றங்களை பேசுகிற படம். ஒவ்வொரு மனிதனுக்கும் நட்பு என்பது ஆழமாக உருவாவது குழந்தை பருவத்தில்தான். அந்த நட்பு பதின்ம வயது வரை தொடர்ந்தால் அதன் ஆழமும், அர்த்தமும் வலுவானதாக இருக்கும் என்பதை சொல்லும் படம். சென்னையில் தொடங்கும் படம் காஷ்மீரில் முடியும். இந்த படத்திற்கு ஒளிப்பதிவாளராக வந்த மனோஜ் பரமஹம்சா எனது உழைப்பு, நோக்கம் இவற்றை புரிந்து கொண்டு அவரே தயாரிப்பாளர் ஆனார். என்றார்.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  தியேட்டர் நெரிசல் பலி - 'ஏ 11' குற்றவாளியான அல்லு அர்ஜுன்
• 
  சூர்யா 46வது படத்தின் கதை : தயாரிப்பாளர் வெளியிட்ட தகவல்
• 
  ரெட்ட தல, சிறை படங்களின் பாக்ஸ் ஆபீஸ் நிலவரம்
• 
  கதை திருட்டு புகாரில் சிக்கிய பராசக்தி : உயர்நீதிமன்றம் போட்ட உத்தரவால் ...
• 
  வளர்ந்து வந்த காலத்தில் போட்டிக்குப் போன விஜய்... : அவர் செய்தால் நியாயம், ...