கடன் சிக்கலில் வந்து நிற்கும் தங்கலான்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

கடன் சிக்கலில் வந்து நிற்கும் 'தங்கலான்'

12 ஆக, 2024 - 06:13 IST

எழுத்தின் அளவு:

ஸ்டுடியோ க்ரீன் நிறுவனத்தின் தயாரிப்பாளர் ஞானவேல்ராஜா தயாரிப்பில், பா ரஞ்சித் இயக்கத்தில், விக்ரம், மாளவிகா மோகனன், பார்வதி மற்றும் பலர் நடித்துள்ள படம் 'தங்கலான்'. இப்படம் இந்த வாரம் ஆகஸ்ட் 15ம் தேதி வெளியாவதாக அறிவிக்கப்பட்டுள்ளது.

இதனிடையே, இப்படத்தின் தயாரிப்பாளர் ஞானவேல் ராஜாவும், அவருடைய அப்பாவும் வாங்கிய கடன் தொகை பாக்கி காரணமாக 'தங்கலான்' படத்திற்கு ஒரு முட்டுக்கட்டை ஏற்பட்டுள்ளது. அர்ஜுன்லால் சுந்தர்தாஸ் என்ற பைனான்சியரிடம் பத்து ஆண்டுகளுக்கு முன்பு சுமார் பத்து கோடி கடன் வாங்கியுள்ளார்கள்.

பைனான்சியர் தரப்பில் ஞானவேல்ராஜா, ஈஸ்வரன் மீது உயர்நீதிமன்றத்தில் வழக்கு தொடுக்கப்பட்டு நீதிமன்ற உத்தரவுக்குப்பின்னும் அவர்கள் பணத்தைத் திருப்பித் தராமல் இருந்திருக்கின்றனர். அதனால் அவர்கள் மீது திவாலானவர்கள் என அறிவிக்க வேண்டும் என சொத்தாட்சியர் வழக்கு தொடர்ந்திருக்கிறார்.

அந்த வழக்கின் விசாரணை நடைபெற்று இடைக்காலத் தீர்ப்பு வந்துள்ளது. அதன்படி ஸ்டுடியோ க்ரீன் நிறுவனம் தயாரிக்கும் 'தங்கலான்' வெளியீட்டிற்கு முன்பாக ஒரு கோடி, 'கங்குவா' வெளியீட்டிற்கு முன்பாக ஒரு கோடியை டெபாசிட் செய்ய வேண்டும் என நீதிபதிகள் ஜெயச்சந்திரன், கார்த்திகேயன் அடங்கி அமர்வு உத்தரவிட்டுள்ளது.

ஆகஸ்ட் 14ம் தேதிக்குள் 1 கோடி டெபாசிட் செய்தால் மட்டுமே 'தங்கலான்' படம் ஆகஸ்ட் 15ல் வெளியாகும். வழக்கின் விசாரணை ஆகஸ்ட் 14ம் தேதி மீண்டும் நடைபெற உள்ளது.

Thangalaan

Vikram

Studiogreen

Gnanavelraja

கருத்துகள் (0) கருத்தைப் பதிவு செய்ய

வெப் தொடரில் அறிமுகமாகும் சூரி

அர்ஜூன் தாஸ் - அதிதி படப்பிடிப்பில் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய