Dinamalar

பிளாஷ்பேக் : கட்டபொம்மன் கதையை படமாக்க தோல்வியில் முடிந்த முயற்சிகள்

கிழக்கிந்திய வியாபார கம்பெனி என்ற பெயரில் இந்தியாவுக்குள் ஆங்கிலேயர்கள் நுழைந்த போது அவர்களை எதிர்த்து போரிட்டவர்களில் தமிழகத்தை சேர்ந்த முக்கியமானவர் வீரபாண்டிய கட்டபொம்மன்.

கட்டபொம்மன் வரலாறு தெருக்கூத்தாகவும் கிராமிய பாடலாகவும் செவிவழி கதைகளாகவுமே இருந்தது. தென் மாவட்டத்து மக்கள் கட்டபொம்மனை கடவுளாகவே வணங்கி வந்தார்கள். இந்த கதைகளையும், பாடல்களையும் ஒருங்கிணைத்து வீரபாண்டிய கட்டபொம்மனின் வரலாற்றை திரைப்படமாக எடுக்க பலரும் முயற்சித்தார்கள்.

1948ல், செல்வம் பிக்சர்ஸ் என்று தயாரிப்பு நிறுவனம் கட்டபொம்மனின் வாழ்க்கை வரலாற்றைத் தயாரிக்க போவதாக அறிவித்தது. கட்டபொம்மனாக பி.யு. சின்னப்பா நடிப்பதாகவும் அறிவிக்கப்பட்டது. துரதிர்ஷ்டவசமாக, திட்டம் இறுதியில் கைவிடப்பட்டது.

1953ம் ஆண்டில், எஸ்.எஸ்.வாசனின் இயக்கத்தில் ஜெமினி ஸ்டுடியோஸ் 'கட்டபொம்மன்' என்ற தலைப்பில் வீரபாண்டிய கட்டபொம்மனின் வாழ்க்கை வரலாற்றை உருவாக்கும் திட்டத்தை வெளியிட்டது. கொத்தமங்கலம் சுப்புவும், வேப்பூர் கிட்டுவும் கதை மற்றும் திரைக்கதையை வடிவமைக்க நியமிக்கப்பட்டனர். வீரபாண்டிய கட்டபொம்மன் பற்றிய தகவல்களைத் தருபவர்களுக்குப் பரிசுகள் வழங்கப்படும் என பத்திரிகைகளில் விளம்பரம் செய்யப்பட்டது. என்றாலும் கட்டபொம்மனின் வரலாற்றை முழுமையான திரைக்கதையாக்க முடியாமல் அந்த திட்டமும் கைவிடப்பட்டது.

இறுதியாக சக்தி கிருஷ்ணசாமியும், பூமா பாலகிருஷ்ணனும் இணைந்து எழுதிய கதை, வசனத்தில் வீரபாண்டிய கட்டபொம்மன் படம் தயாரானது. தனது பத்மினி பிக்சர் சார்பில் பி.ஆர். பந்துலு தயாரித்து, இயக்கி வெளியிட்டார். வீரபாண்டிய கட்டபொம்மனாக சிவாஜி கணேசன் நடித்தார். அன்றைய தேதியில் பிரம்மாண்ட பட்ஜெட்டில் வண்ணத் திரைப்படமாக உருவானது. இப்படம் தமிழ்நாட்டின் பார்வையாளர்களை கவர்ந்தது மட்டுமல்லாமல் மற்ற மாநிலங்களிலும் பலமாக எதிரொலித்தது. மதுரை நியூ சினிமா உட்பட ஏராளமான திரையரங்குகளில் 175 நாட்களைக் கடந்து வெள்ளி விழா கொண்டாடியது. தமிழ் சினிமாவின் மைல் கல்லாகவும் இந்தப் படம் அமைந்தது.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  தியேட்டர் நெரிசல் பலி - 'ஏ 11' குற்றவாளியான அல்லு அர்ஜுன்
• 
  சூர்யா 46வது படத்தின் கதை : தயாரிப்பாளர் வெளியிட்ட தகவல்
• 
  ரெட்ட தல, சிறை படங்களின் பாக்ஸ் ஆபீஸ் நிலவரம்
• 
  கதை திருட்டு புகாரில் சிக்கிய பராசக்தி : உயர்நீதிமன்றம் போட்ட உத்தரவால் ...
• 
  வளர்ந்து வந்த காலத்தில் போட்டிக்குப் போன விஜய்... : அவர் செய்தால் நியாயம், ...