Dinamalar

'தி கோட்' தயாரிப்பாளர் - அமெரிக்க வினியோகஸ்தர் மோதல்?

வெங்கட் பிரபு இயக்கத்தில் யுவன் இசையமைப்பில் விஜய், பிரசாந்த், பிரபுதேவா மற்றும் பலர் நடிக்கும் படம் 'தி கோட்'. இப்படம் செப்டம்பர் 5ம் தேதி உலக அளவில் வெளியாக உள்ளது.

பொதுவாக முன்னணி நடிகர்களின் தமிழ்ப் படங்களுக்கான பிரிமியர் காட்சிகள் அமெரிக்காவில் இந்திய நேரப்படி அதிகாலை 4 மணிக்கே நடக்கும். ஆனால், 'தி கோட்' படத்திற்கான அமெரிக்கா பிரிமியர் காட்சிகளை அந்த நேரத்தில் திரையிட தயாரிப்பு நிறுவனமான ஏஜிஎஸ் என்டர்டெயின்மென்ட் நிறுவனம் அனுமதிக்கவில்லையாம். இந்திய நேரப்படி காலை 7 மணிக்கு, அதாவது அமெரிக்க நேரப்படி இரவு 9.30 மணிக்கு மட்டுமே திரையிட அனுமதி அளித்துள்ளார்களாம்.

இதன் காரணமாக அமெரிக்க பிரிமியர் வசூலில் பாதிப்பு ஏற்படும் என அமெரிக்க வினியோகஸ்தர் தன்னுடைய வருத்தத்தை எக்ஸ் தளத்தில் வெளிப்படையாகப் பதிவிட்டுள்ளார்.

மேலும் அமெரிக்க வினியோகஸ்தரான அஹிம்சா என்டர்டெயின்மென்ட் நிறுவனம் 'தி கோட்' சம்பந்தப்பட்ட எக்ஸ் தளப் பதிவுகளில் படத் தயாரிப்பு நிறுவனமான ஏஜிஎஸ் பெயரைக் குறிப்பிடுவதில்லை. அதற்கு அந்நிறுவனத்தின் தயாரிப்பாளர்களில் ஒருவரான அர்ச்சனா கல்பாத்தி, “இப்படத்திற்கான வினியோகஸ்தரான நீங்கள், தயாரிப்பு நிறுவனத்தின் பெயரைக் கண்டிப்பாகக் குறிப்பிட வேண்டும்,” என்று கமெண்ட் செய்துள்ளார். தயாரிப்பாளரும், வினியோகஸ்தரும் இப்படி ஒருவரை மாற்றி மற்றொருவர் கமெண்ட் செய்து கொள்வதால் அவர்களுக்கிடையே ஏதும் மோதலா என பேச ஆரம்பித்துவிட்டார்கள்.

• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?

• 
  ரசிகர்களின் அன்பை சுயலாபத்திற்காக பயன்படுத்த மாட்டேன்: அஜித்குமார்
• 
  ஏஐ.,யின் உதவியுடன் இசையமைத்த அனிருத்!
• 
  சினிமா துறையில் 33 ஆண்டுகளை நிறைவு செய்த அஜித்குமார்! இயக்குனர் ஆதிக் ...
• 
  ரஜினியின் ‛கூலி' படம் 100 பாட்ஷாவுக்கு சமம் என்கிறார் நாகார்ஜுனா!
• 
  எம்.எஸ். பாஸ்கர், பிரான்க் ஸ்டார் கூட்டணியில் ‛கிராண்ட் பாதர்'!