Dinamalar

24 மணி நேரத்தில் புதிய சாதனை படைத்த 'தி கோட்' டிரைலர்

விஜய், பிரசாந்த், பிரபு தேவா, மீனாட்சி சவுத்ரி, சினேகா, லைலா மற்றும் பலர் நடிப்பில், யுவன் இசையமைப்பில், வெங்கட் பிரபு இயக்கத்தில் உருவாகியுள்ள 'தி கோட்' படத்தின் டிரைலர் ஆகஸ்ட் 17ம் தேதி மாலை 5 மணிக்கு வெளியானது. நேற்று மாலை 5 மணியுடன் முடிந்த 24 மணி நேரத்தில் இந்த டிரைலர் புதிய சாதனையைப் படைத்துள்ளது.

இதற்கு முன்பு விஜய் நடித்து வெளிவந்த 'லியோ' பட டிரைலர் புரிந்த 24 மணி நேர சாதனைகளையும் முறியடித்து தமிழ்ப் படங்களின் டிரைலர்களிலும் புதிய சாதனையைப் படைத்துள்ளது. தமிழ், தெலுங்கு, ஹிந்தி ஆகிய டிரைலர்களின் மொத்த பார்வைகளையும் சேர்த்து 39 மில்லியன் பார்வைகளைப் பெற்றுள்ளது. 1.65 மில்லியன் லைக்குகள் கிடைத்துள்ளதாக தயாரிப்பு நிறுவனம் அதிகாரப்பூர்வமாக அறிவித்துள்ளது.

தமிழ் டிரைலருக்கு மட்டும் 33 மில்லியன் பார்வைகள் கிடைத்துள்ளது. ஹிந்தி டிரைலர் 3.5 மில்லியன், தெலுங்கு டிரைலர் 2.5 மில்லியன் பார்வைகளைப் பெற்றுள்ளன.

இதற்கு முன்பு வெளிவந்த தமிழ் டிரைலர்களில் 24 மணி நேரத்தில், 'லியோ' 32.7 மில்லியன், பீஸ்ட் 29.7 மில்லியன், 'துணிவு' 26 மில்லியன், 'வாரிசு' 24 மில்லியன் பார்வைகளைப் பெற்றிருந்தது.

டிரைலர் வருவதற்கு முன்பு 'தி கோட்' படத்தின் 'ஹைப்' குறைவாகவே இருந்தது. டிரைலருக்குப் பின்பு அது அதிகமாகியுள்ளது. ஓரிரு நாளில் இந்த டிரைலர் மூன்று மொழிகளிலும் சேர்த்து 50 மில்லியனைக் கடக்கும் என எதிர்பார்க்கப்படுகிறது.

• 
  வாழ்த்து சொன்ன மோகன்லால் ; சந்திக்க நேரம் கேட்ட ஷாருக்கான்
• 
  மீண்டும் ஹிந்தி படத்தில் கமிட்டான ராஷி கண்ணா
• 
  ஜூனியர் என்டிஆர் உடன் நடித்தது ஒரு கற்றல் அனுபவம் : சொல்கிறார் ஹிருத்திக் ...
• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்

• 
  மீண்டும் காதல் கிசுகிசுவில் சிக்கிய தனுஷ்
• 
  அமெரிக்க முன்பதிவு : 'வார் 2'ஐ பின்னுக்குத் தள்ளி முந்தும் 'கூலி'
• 
  கமல் தயாரிப்பில் அண்ணன், தம்பி நடிப்பார்களா?
• 
  ரசிகர்களுடன் போட்டோ, விருந்து : தனுஷ் மாறியது ஏன்
• 
  மாளவிகா மோகனனின் பிறந்தநாளுக்கு போஸ்டர் வெளியிட்டு அசத்திய மும்மொழி பட ...