Dinamalar

'மெய்யழகன்' நீளம் குறைக்கப்படுமா? - பிடிவாதம் பிடிக்கும் பிரேம்குமார்

ஒரு படத்தின் நீளம் இரண்டு மணி நேரம் அல்லது இரண்டரை மணி நேரம் இருந்தால்தான் ரசிகர்கள் பொறுமையாகப் பார்த்து ரசிக்கிறார்கள். மூன்று மணி நேரம் ஓடும் படங்கள் ரசிகர்களின் பொறுமையை சோதிப்பதாகவே உள்ளன.

இதற்கு முன்பு வெளிவந்த 'தி கோட், இந்தியன் 2' ஆகிய படங்களின் நீளம் மூன்று மணி நேரம் ஓடக் கூடிய படங்களாக இருந்தன. அதுவும் அந்தப் படங்களின் வரவேற்பு குறைய முக்கியக் காரணங்கள்தான். 'இந்தியன் 2' படத்தின் நீளம் குறித்து கடும் விமர்சனம் எழுந்ததும் அடுத்த சில நாட்களில் 12 நிமிடக் காட்சிகளை வெட்டி எறிந்தார்கள்.

நேற்று வெளியான 'மெய்யழகன்' படம் 2 மணி நேரம் 57 நிமிடங்கள் ஓடுகிறது. படத்தின் இடைவேளைக்குப் பிறகான பிற்பகுதி மிகவும் நீளமாக இருப்பதாக விமர்சனம் எழுந்துள்ளது. அதிலும் கார்த்தி தன்னைப் பற்றிச் சொல்லும் காட்சிகள் படத்தின் மையக் கதையிலிருந்து விலகியிருப்பதாகப் பலரும் கருத்து தெரிவித்துள்ளார்கள். அதனால், அந்தக் காட்சிகளை நீக்கி விடலாம் எனத் தயாரிப்பு நிறுவனம் சார்பில் இயக்குனரிடம் சொன்னார்களாம்.

ஆனால், படத்தின் இயக்குனர் பிரேம்குமார் அவற்றை நீக்க மாட்டேன், நேரத்தையும் குறைக்க மாட்டேன் என பிடிவாதம் பிடிக்கிறாராம். தெலுங்கில் மட்டும் அந்தக் காட்சிகளைக் கொஞ்சம் குறைத்துள்ளார்களாம். தமிழிலும் அவற்றை நீக்கினால் படத்தைப் பற்றிய நெகட்டிவ் விமர்சனங்கள் குறைய வாய்ப்புண்டு.

இரண்டு படங்களை மட்டுமே இயக்கியள்ள இயக்குனர் இவ்வளவு பிடிவாதம் பிடிக்கக் கூடாது என கோலிவுட்டில் பேசிக் கொள்கிறார்கள்.

• 
  மலையாள இயக்குனர் படத்தில் நடிக்கப்போகும் சல்மான்கான்
• 
  வாழ்த்து சொன்ன மோகன்லால் ; சந்திக்க நேரம் கேட்ட ஷாருக்கான்
• 
  மீண்டும் ஹிந்தி படத்தில் கமிட்டான ராஷி கண்ணா
• 
  ஜூனியர் என்டிஆர் உடன் நடித்தது ஒரு கற்றல் அனுபவம் : சொல்கிறார் ஹிருத்திக் ...
• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...

• 
  திறமையை மட்டும் பாருங்க : மாளவிகா மோகனன் கோபம்
• 
  'முத்து என்கிற காட்டான்' : விஜய் சேதுபதி, மணிகண்டன் வெப்தொடரின் தலைப்பு
• 
  மாவீரன் இரண்டாம் பாகத்தில் நடிக்க விரும்பும் சிவகார்த்திகேயன்
• 
  தாய்லாந்தில் ரஜினி செய்த செயல் : ஐதராபாத்தில் வியந்து பேசிய நாகர்ஜூனா
• 
  கணவர் உடனான போட்டோக்கள் நீக்கம் : விவாகரத்து முடிவில் ஹன்சிகா?