Dinamalar

தர்ஷனுக்கு கை கொடுப்பாரா 'யாத்ரீகன்'?

'பிக்பாஸ்' நிகழ்ச்சி மூலம் புகழ்பெற்ற தர்ஷன், பின்னர் சினிமாவில் அறிமுகமாகி கூகுள் குட்டப்பா, ஐத்தலக்கா படங்களில் நடித்தார். கடைசியாக 'காடு' என்ற படத்தில் நடித்திருந்தார். தற்போது அவர் நடித்து வரும் புதிய படம் 'யாத்ரீகன்'. ஆர்எம்பி புரொடக்ஷன்ஸ் சார்பில் «வி.ஜி. தனலட்சுமி கோபாலன் தயாரிக்கிறார். சீனு ராமசாமியிடம் உதவி இயக்குனராக பணியாற்றிய பிரேம் நசீர் இயக்குகிறார். தர்ஷனுடன் மாளவிகா, காளி வெங்கட், ப்ராங்க்ஸ்டர் ராகுல், பானு உள்ளிட்ட பலர் நடிக்கிறார்கள். சந்தானம் சேகர் ஒளிப்பதிவு செய்கிறார், அபிஷேக் இசை அமைக்கிறார்.

படம் பற்றி இயக்குனர் பிரேம் நசீர் கூறும்போது “நிஜ வாழ்க்கையில் நடைபெற்ற சில கிரிமினல் சம்பவங்களின் பின்னணியில், எமோஷனல் க்ரைம் த்ரில்லர் படமாக உருவாகி வருகிறது 'யாத்ரீகன்'.

இரண்டு வெவ்வேறு நபர்கள் மற்றும் அவர்களின் வெவ்வேறு சித்தாந்தங்களைப் பற்றியது. ஒரு மர்மமான நிகழ்வு அவர்களின் பிரச்சினைகளை எவ்வாறு பிணைக்கிறது என்பது படத்தின் மையக்கரு. இந்தக் கதையின் நாயகன் துறுதுறுவென எனர்ஜியுடன் தேவை எனும்போது பிக்பாஸ் தர்ஷன் அதற்கு சரியான தேர்வாக இருந்தார். ஏனெனில், பிக்பாஸ் நிகழ்ச்சியிலேயே அவரைப் பார்த்திருக்கிறேன். இந்த படத்தில் மாளவிகா கதாநாயகியாக நடிக்கிறார். தற்போது முதல்கட்ட படப்பிடிப்பு முடிந்துள்ள நிலையில், அடுத்த கட்ட படப்பிடிப்பு விரைவில் தொடங்கவுள்ளது” என்றார்.

• செய்திகள்
• வந்த படங்கள்

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  தியேட்டர் நெரிசல் பலி - 'ஏ 11' குற்றவாளியான அல்லு அர்ஜுன்
• 
  சூர்யா 46வது படத்தின் கதை : தயாரிப்பாளர் வெளியிட்ட தகவல்
• 
  ரெட்ட தல, சிறை படங்களின் பாக்ஸ் ஆபீஸ் நிலவரம்
• 
  கதை திருட்டு புகாரில் சிக்கிய பராசக்தி : உயர்நீதிமன்றம் போட்ட உத்தரவால் ...
• 
  வளர்ந்து வந்த காலத்தில் போட்டிக்குப் போன விஜய்... : அவர் செய்தால் நியாயம், ...