Dinamalar

சத்தம் இல்லாமல் வந்து சாதித்த சின்ன பட்ஜெட் படங்கள் : திருந்துவார்களா தயாரிப்பாளர்கள்?

சமீபகாலமாக தமிழ் சினிமா இண்டஸ்ட்ரியில் நல்ல மாற்றம் நடந்து கொண்டு இருக்கிறது. சின்ன சின்ன பட்ஜெட்டில் எடுக்கப்படும் கதையுள்ள படங்கள் நன்கு ஓடி, தயாரிப்பாளர்களுக்கு லாபத்தை அள்ளிக்கொடுக்கின்றன. தமிழ் ரசிகர்களின் ரசிப்புத்தன்மையையும் நல்ல தரத்தை நோக்கி கொண்டு செல்கின்றன.

முன்னுாறு கோடி, ஐநுாறு கோடி பட்ஜெட் படம் என்று பெருமை பேசி, பெரிய ஹீரோக்களுக்கு மட்டும் 100 கோடி 150 கோடிகளை கொட்டிக்கொடுத்து, அதையே ஒரு விளம்பரமாக்கி, படங்களை ஓட்டப் பார்ப்பது இயக்குனர்களின் வழக்கம். இந்த டெக்னிக் வேலை செய்யுமா செய்யாதா என்றெல்லாம் தெரியாத தயாரிப்பாளர்களின் தலையில் மிளகாய் அரைப்பார்கள் இதுபோன்ற இயக்குனர்கள்.

ஆனால் இந்த ஆண்டு என்னவோ தமிழ் திரையுலகில் சில மாற்றங்களை சில இயக்குனர்கள் கொண்டு வந்துள்ளனர். வித்தியாசமான கதைக்களங்களில் சாதாரண நடிகர்களை வைத்து, செலவே இல்லாமல் எடுக்கப்பட்ட படங்கள் மக்களிடம் நல்ல வரவேற்பை பெற்றுள்ளன.

குப்பையில் சில மாணிக்கங்கள்
இந்த ஆண்டு கடந்துபோன 10 மாதங்களில் 180 படங்கள் வெளிவந்தன. இதில் ‛‛ஸ்டார்'' (ரூ.7 கோடி பட்ஜெட்) , ‛‛கருடன்'' (ரூ.20 கோடி), ‛‛மகாராஜா'' (ரூ.25 கோடி), ‛‛கொட்டுக்காளி'' (ரூ.5 கோடி). ‛‛வாழை'' (ரூ.5 கோடி). ‛‛லப்பர் பந்து'' (ரூ.7 கோடி), ‛‛மெய்யழகன்'' (ரூ.35 கோடி), ‛‛பிளாக்'' (ரூ.15 கோடி) ஆகிய படங்கள் சில கோடிகளுக்குள் தான் தயாரிக்கப்பட்டன.

அதாவது, ஒரு பெரிய ஹீரோ ஒரு படத்தில் வாங்கும் சம்பளத்தில் பத்தில் ஒரு பங்கு செலவு தான் மொத்த படத்திற்கும் ஆகியுள்ளது. ஆனால் வசூலானது நாலைந்து மடங்கு அதிகம். 100 ரூபாய் செலவழித்து 500 ரூபாய் பார்ப்பது சிறந்ததா அல்லது 1000 ரூபாய் செலவழித்து 1100 ரூபாய் பார்ப்பது சிறந்ததா என நாமே முடிவு செய்து கொள்ளலாம்.

சில தயாரிப்பாளர்கள் பெரிய ஹீரோக்கள் படங்களை ‛புரோமோட்' செய்வதற்கே பல கோடிகளை செலவழிக்கின்றனர். இந்த செலவில் கூட குட்டி பட்ஜெட் படங்களை எடுத்து விடலாம்.

யோசிக்கும் தயாரிப்பாளர்கள்
இப்படி பெரிய ஹீரோக்களை வைத்து பெருமைக்காக படம் எடுக்கும் தயாரிப்பாளர்களுக்கு தமிழ் சினிமாவின் சமீபத்திய இந்த போக்கு அதிர்ச்சியையும் ஆச்சரியத்தையும் ஏற்படுத்தி உள்ளது. ‛‛ஏன் பல நுாறு கோடிகளை செலவழித்துவிட்டு படம் ஓடுமா ஓடாதா என்ற டென்ஷனில் இருக்க வேண்டும். ஒரு ஹீரோவுக்கு கொடுக்கும் சம்பளத்தில் சின்ன பட்ஜெட்டில் 4 படங்கள் எடுத்து விடலாம். நல்ல கதையுடன் காத்திருக்கும் புதிய இயக்குனர்களுக்கு வாய்ப்பு கொடுத்தால் என்ன'' என்று பெரிய தயாரிப்பாளர்கள் யோசிப்பதாக கோலிவுட் தகவல்கள் தெரிவிக்கின்றன.

அப்படி நடந்தால், தமிழ் சினிமாவுக்கு நல்ல எதிர்காலம் இருக்கும். மக்களின் ரசனையும் செக்ஸ், வன்முறை போன்ற சீரழிவுகளில் இருந்து மாறி, ஒழுக்கமுள்ள சமுதாயம் உருவாகும்.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  தியேட்டர் நெரிசல் பலி - 'ஏ 11' குற்றவாளியான அல்லு அர்ஜுன்
• 
  சூர்யா 46வது படத்தின் கதை : தயாரிப்பாளர் வெளியிட்ட தகவல்
• 
  ரெட்ட தல, சிறை படங்களின் பாக்ஸ் ஆபீஸ் நிலவரம்
• 
  கதை திருட்டு புகாரில் சிக்கிய பராசக்தி : உயர்நீதிமன்றம் போட்ட உத்தரவால் ...
• 
  வளர்ந்து வந்த காலத்தில் போட்டிக்குப் போன விஜய்... : அவர் செய்தால் நியாயம், ...