Dinamalar

நடிப்பில் 50 வருடங்கள், சிரஞ்சீவி பகிர்ந்த கல்லூரி புகைப்படம்

தெலுங்குத் திரையுலகத்தில் சீனியர் கதாநாயகர்களில் ஒருவர் சிரஞ்சீவி. சென்னையில் உள்ள திரைப்படக் கல்லூரியில் நடிப்புப் பயிற்சி பெற்று பின்பு நடிகரானவர். தமிழில் பாலசந்தர் இயக்கத்தில் வெளிவந்த '47 நாட்கள்' படத்தில் கதாநாயகனாக நடித்தவர். ரஜினிகாந்த் நடித்து அதே ஆண்டில் வெளிவந்த 'ராணுவ வீரன்' படத்தில் வில்லனாகவும் நடித்தவர். 150 படங்களுக்கும் மேல் நடித்து நடிப்பில் தற்போது 50 ஆண்டுகளைக் கடந்துள்ளார்.

அதைக் குறிக்கும் விதத்தில் 1974--75ம் ஆண்டில் கல்லூரியில் இரண்டாம் ஆண்டு பி.காம் படித்த போது நாடகத்தில் முதன் முதலில் நடித்த போது எடுத்த புகைப்படத்தைப் பகிர்ந்து, “ராஜினாமா”....நர்சபூர் ஒய்என்எம் கல்லூரியில் மேடையில் முதல் நாடகம்….கோனா கோவிந்தராவ் எழுதியது… நடிகராக முதல் அங்கீகாரம்.. அதுவும் சிறந்த நடிகராக… முடிவில்லாத ஊக்கம்... 1974 -2024… 50 வருட நடிப்பு… தீராத மகிழ்ச்சி,” என தனது மகிழ்ச்சியை வெளிப்படுத்தி உள்ளார்.

தெலுங்கில் பல வசூல் சாதனைகளைப் படைத்தவர் சிரஞ்சீவி. பத்மபூஷன், பத்ம விபூஷன் விருதுகளைப் பெற்றவர். 2022ம் ஆண்டு நடைபெற்ற இந்திய சர்வதேச திரைப்பட விழாவில் சிறந்த சினிமா சாதனையாளர் என கவுரவிக்கப்பட்டவர். அவருக்குப் பின் அவரது தம்பிகள், தம்பி மகன்கள், மகள்கள், அவருடைய மகன் என வாரிசுகள் பலரும் திரையுலகில் அறிமுகமாகி தெலுங்குத் திரையுலகத்தில் முக்கிய இடத்தில் உள்ளனர்.

• செய்திகள்
• ஆல்பம்
• வந்த படங்கள்

• 
  மீண்டும் ஹிந்தி படத்தில் கமிட்டான ராஷி கண்ணா
• 
  ஜூனியர் என்டிஆர் உடன் நடித்தது ஒரு கற்றல் அனுபவம் : சொல்கிறார் ஹிருத்திக் ...
• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு

• 
  தேசிய விருது : தேர்வு குழுவிற்கு நடிகை ஊர்வசி கேள்வி
• 
  மீரா மிதுனை கைது செய்து ஆஜர்படுத்த நீதிமன்றம் உத்தரவு
• 
  ரஜினிக்கும், தனது தந்தைக்கும் உள்ள ஒற்றுமையை கூறிய லோகேஷ்
• 
  குடும்பத்துடன் திருப்பதியில் சாமி தரிசனம் செய்த சூர்யா
• 
  துல்கர் சல்மானின் 41வது படத்தை துவக்கி வைத்த நானி