Dinamalar

'கங்குவா' வெளியீட்டுக்கு எதிரான வழக்கு, நாளை முடிவு தெரியும்?

தமிழ் சினிமாவில் முன்னணி தயாரிப்பு நிறுவனங்களில் ஒன்றான ஸ்டுடியோ க்ரீன் நிறுவனம் தயாரிப்பில், சூர்யா நடித்துள்ள படம் 'கங்குவா'. இப்படம் பெரும் பொருட்செலவில் தயாராகி பான் இந்தியா படமாக அடுத்த வாரம் நவம்பர் 14ம் தேதி வெளியாக உள்ளது.

ஸ்டுடியோ க்ரீன் நிறுவனம், ரிலையன்ஸ் நிறுவனத்திடம் வாங்கிய 99 கோடியே 22 லட்ச ரூபாயில் இன்னும் தர வேண்டிய 55 கோடியைத் திருப்பி வழங்காத காரணத்தால் 'கங்குவா' படத்தை வெளியிட தடை விதிக்க வேண்டும் என ரிலையன்ஸ் நிறுவனம் சென்னை உயர்நீதிமன்றத்தில் வழக்கு தொடர்ந்திருந்தது. அது மட்டுமல்ல 'தங்கலான்' படத்தை ஓடிடியில் வெளியிடவும் தடை விதிக்க வேண்டும் என கேட்டுக் கொண்டிருந்தது.

இன்று வழக்கு விசாரணைக்கு வந்த நிலையில் ஸ்டுடியோ க்ரீன் நிறுவனம் வழங்க வேண்டிய தொகையில் மேங்கோ மாஸ் மீடியா நிறுவனம் 18 கோடியைத் தந்துவிட்டார்கள். எனவே, 'தங்கலான்' படத்தின் ஓடிடி வெளியீட்டிற்கு ஆட்சேபனை இல்லை என ரிலையன்ஸ் நிறுவனம் சார்பில் அதன் வழக்கறிஞர் தெரிவித்தார்.

ஸ்டுடியோ க்ரீன் நிறுவனம் சார்பில் ஆஜரான வழக்கறிஞர் மீதமுள்ள தொகையை நாளை வழங்குகிறோம் எனக் கூறினார். இதையடுத்து நாளை வழக்கை தள்ளி வைத்துள்ளார் நீதிபதி. நாளை மதியத்திற்குள் பணம் வழங்கப்பட்டுவிட்டால் 'கங்குவா' படம் நவம்பர் 14ம் தேதி திட்டமிட்டபடி வெளியாகும். இல்லையென்றால் வழக்கு விசாரணையை சந்திக்க வேண்டி வரும்.

• இவரை பற்றி
• செய்திகள்
• ஆல்பம்
• வீடியோ
• வந்த படங்கள்

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  படம் 1% ஏமாற்றினாலும் என் வீடுதேடி வரலாம்: 'தி ராஜா சாப்' இயக்குனர் ...
• 
  பிரியங்கா மோகனின் கன்னட படம் '666 ஆப்ரேஷன் ட்ரீம் தியேட்டர்' பர்ஸ்ட்லுக் ...
• 
  விக்ரம் பிரபுவின் 'சிறை' படத்தை பாராட்டிய மாரி செல்வராஜ்!
• 
  'டாக்சிக்'-ல் எலிசபெத் ஆக ஹூமா குரேஷி
• 
  ரஜினியை வைத்து முதல் மரியாதை போன்ற படம் இயக்க ஆசை! - சுதா கொங்கரா