Dinamalar

துளைக்க வந்தது…'விடுதலை 2' - தினம் தினமும்…சிங்கிள்

வெற்றிமாறன் இயக்கத்தில் இளையராஜா இசையமைப்பில், விஜய் சேதுபதி, மஞ்சு வாரியர், சூரி மற்றும் பலர் நடிப்பில் உருவாகி வரும் படம் 'விடுதலை 2'. இப்படம் அடுத்த மாதம் டிசம்பர் 20ம் தேதி வெளியாக உள்ளது.

இப்படத்தின் முதல் சிங்கிளான 'தினம் தினமும்...' பாடல் சற்று முன் வெளியானது. இளையராஜா எழுதி, அனன்யா பட் உடன் இணைந்து பாடியுள்ள பாடல். விஜய் சேதுபதி, மஞ்சு வாரியர் இடையிலான ஒரு காதல் பாடலாக இப்பாடல் படத்தில் இடம் பெறும் என்பது அவர்கள் பகிர்ந்துள்ள புகைப்படம் மூலம் தெரிய வருகிறது.

இளையராஜாவின் உணர்வுபூர்வமான குரலில், தெளிவான வார்த்தை உச்சரிப்புடன், அனன்யா பட்டின் அருமையான குரலுடன் பாடலில் உள்ள வரிகளான 'தினம் தினமும் உன் நினைப்பு, வளைக்கிறதே, என்னைத் துளைக்கிறதே,' என்பது போல் பாடம் தினம் தினமும் கேட்டு நம்மைத் துளைக்கும் விதத்தில் இருக்கும் என்பது உறுதி.

யு டியூபிலும் வெளியாகி உள்ள இந்தப் பாடலின் கமெண்ட்டுகளைப் படிக்கும் போது அது இன்னும் உறுதிப்படுத்தப்படுகிறது. 'விடுதலை' முதல் பாகத்தில் இடம் பெற்ற 'வழி நெடுக காட்டுமல்லி' சாயலில் இந்தப் பாடல் இருந்தாலும் முதல் முறை கேட்கும் போதே நம்மைப் பாடலுக்குள் இழுத்துச் சென்றுவிடுகிறது.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  தியேட்டர் நெரிசல் பலி - 'ஏ 11' குற்றவாளியான அல்லு அர்ஜுன்
• 
  சூர்யா 46வது படத்தின் கதை : தயாரிப்பாளர் வெளியிட்ட தகவல்
• 
  ரெட்ட தல, சிறை படங்களின் பாக்ஸ் ஆபீஸ் நிலவரம்
• 
  கதை திருட்டு புகாரில் சிக்கிய பராசக்தி : உயர்நீதிமன்றம் போட்ட உத்தரவால் ...
• 
  வளர்ந்து வந்த காலத்தில் போட்டிக்குப் போன விஜய்... : அவர் செய்தால் நியாயம், ...