Dinamalar

பிளாஷ்பேக்: தமிழில் சினிமா ஆன மஹாராஷ்டிர நாட்டுப்புற கதை

தமிழ் சினிமாவின் தொடக்க காலத்தில் மஹாராஷ்டிரா மற்றும் மேற்குவங்க கலைகள், சினிமாவின் தாக்கம் அதிகமாக இருந்தது. இரு மாநிலங்களை சேர்ந்த இயக்குனர்கள் தமிழ் படங்களை இயக்கினார்கள். இப்படியான காலகட்டத்தில் மஹாராஷ்டிர மாநிலத்தின் புகழ்பெற்ற நாட்டுப்புற கதையான 'சாந்த சக்குபாய்' தமிழில் திரைப்படமாக உருவானது. இந்த கதை அங்கு தெருக்கூத்தாகவும், கதா காலேட்சபமாவும் சொல்லப்பட்டு வந்தது.

இது ஒரு கிருஷ்ண பக்தையின் கதை. சக்குபாய் தீவிர கிருஷ்ணபக்தை. அவருக்கு சரியான மூளை வளர்ச்சி குறைபாடுள்ள முறை மாப்பிள்ளையை திருமணம் செய்து வைக்கிறார்கள். அவளுக்கு கொடுமையான அத்தை அமைகிறார். அந்த வீட்டில் உள்ள இன்னொருவன் சக்குபாயை அடைய திட்டமிடுகிறான். இந்த நிலையில் சக்குபாய் இந்த துன்பங்களில் இருந்து விடுபட்டு கிருஷ்ணனிடமே தஞ்சமடைய புனித யாத்திரையை மேற்கொள்கிறார்.

தனது பக்தையை துன்புறுத்துகிறவர்களுக்கு பாடம் புகட்ட கிருஷ்ண பரமாத்மா சக்குபாயின் உருவம் தரித்து அந்த வீட்டுக்கு செல்கிறார். அப்பாவியான சக்குபாய் என நினைத்து மாமியார் கொடுமை செய்ய அதற்கு கிருஷ்ணர் கொடுக்கும் பதிலடிதான் கதை. இதற்கிடையில் யாத்திரை சென்ற சக்குபாய் இறந்து விட கிருஷ்ணருக்கு சிக்கல் ஏற்படுகிறது. சக்குபாய் வேடத்தில் இருந்து அவரால் வெளிவர முடியாது. எனவே கிருஷ்ணரை காப்பாற்ற ருக்மணி வருகிறார். அதன் பிறகு என்ன நடக்கிறது என்பது மீதி கதை.

இந்த படத்தை சுந்தர் ராவ் நட்கர்னி இயக்கினார். சோமயராஜூலுவும், கொத்தமங்கலம் சுப்புவும் திரைக்கதையை எழுதினர், துறையூர் ராஜகோபால சர்மா இசை அமைத்திருந்தார். சக்குபாயாக அஸ்வத்தமாவும், கொடுமைக்கார மாமியாராக பனி பாயும், கணபதி பட் கிருஷ்ணராகவும், ராஜமணி ருக்மணியாகவும், சாரங்கபாணி சக்குபாயின் கணவராகவும் நடித்திருந்தார்கள். படம் பெரிய வெற்றி பெற்றது.

• 
  வாழ்த்து சொன்ன மோகன்லால் ; சந்திக்க நேரம் கேட்ட ஷாருக்கான்
• 
  மீண்டும் ஹிந்தி படத்தில் கமிட்டான ராஷி கண்ணா
• 
  ஜூனியர் என்டிஆர் உடன் நடித்தது ஒரு கற்றல் அனுபவம் : சொல்கிறார் ஹிருத்திக் ...
• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்

• 
  மாளவிகா மோகனனின் பிறந்தநாளுக்கு போஸ்டர் வெளியிட்டு அசத்திய மும்மொழி பட ...
• 
  50 வருடம் ஒருவர் சூப்பர் ஸ்டாராவே இருக்கிறாரே அதுதான் பெரிய விஷயம் ; கூலி ...
• 
  கவர்ச்சியாக நடித்தவர் கடவுளாக நடிக்கலமா? : துர்க்கை ஆக நடித்த கஸ்துாரி ...
• 
  லோகேஷ் கனகராஜின் புரமோஷன் பேட்டிகள் ; ஜாலியாக கிண்டலடித்த ரஜினிகாந்த்
• 
  மகேஷ்பாபுவை அடுத்து மல்டிபிளக்ஸ் தியேட்டர் திறந்த ரவி தேஜா