Dinamalar

பொங்கல் படங்களில் தாக்குப் பிடிக்கும் 'மத கஜ ராஜா'

2025ம் ஆண்டில் முதன் பண்டிகை நாளான பொங்கல் முடிந்து இரண்டு வாரங்களாகிவிட்டது. பொங்கலை முன்னிட்டு ஜனவரி 10, 12 மற்றும் 13 ஆகிய தேதிகளில் ஆறு படங்கள் வெளிவந்தன. ஜனவரி 10 அன்று 'வணங்கான், மெட்ராஸ்காரன்', 12 அன்று 'மத கஜ ராஜா', 14 அன்று 'காதலிக்க நேரமில்லை, நேசிப்பாயா, தருணம்' ஆகிய படங்கள் வெளியாகின.

அவற்றில் 14ம் தேதி 'தருணம்' படத்தை ஓரிரு நாட்களில் தயாரிப்பாளர்களே திரும்பப் பெற்றுக் கொண்டு, இன்று ஜனவரி 31ம் தேதி மறு வெளியீடு செய்துள்ளார்கள். ஜனவரி 10ல் வெளியான 'மெட்ராஸ்காரன்' படம் ஒரு சில நாட்கள் மட்டுமே ஓடியது. 'வணங்கான்' படம் தற்போது சென்னை உட்பட சில நகரங்களில் மட்டும் ஓரிரு காட்சிகள் ஓடி வருகிறது.

12ம் தேதி வெளியான 'மத கஜ ராஜா' படம் இப்போதும் குறிப்பிடத்தக்க அளவிலான தியேட்டர்களில் ஓடி வருகிறது. இப்படம் மட்டும்தான் 50 கோடிக்கும் அதிகமாக வசூலித்தது. இன்று தெலுங்கில் டப்பிங் ஆகி வெளியாகி உள்ளது.

14ம் தேதி வெளியான 'காதலிக்க நேரமில்லை' மிகக் குறைவான தியேட்டர்களிலும், 'நேசிப்பாயா' ஓரிரு காட்சிகளிலும் மூன்றாவது வாரத்தில் தொடர்கிறது. 'நேசிப்பாயா' படம் தெலுங்கில் 'பிரேமிஸ்தே' என்ற பெயரில் டப்பிங் ஆகி நேற்று வெளியானது.

பொங்கல் படங்கள் அனைத்தும் இன்னும் சில நாட்கள் மட்டுமே ஓடி முடியும். அடுத்த வாரம் பிப்ரவரி 6ம் தேதி அஜித் நடித்துள்ள 'விடாமுயற்சி' வெளியாக உள்ளதால் அதற்குள் தியேட்டர்களை விட்டு தூக்கப்படலாம்.

• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?
• 
  ஜான்வி கபூரின் ‛பரம் சுந்தரி' ரிலீஸ் தேதி அறிவிப்பு
• 
  கதை சர்ச்சையில் சிக்கிய ஸ்ரீலீலாவின் ஆஷிகி 3
• 
  ஆக., 1ல் யு-டியூபில் “சித்தாரே ஜமீன் பர்” : யு-டியூபில் படத்தை வெளியிடுவது ...

• 
  வன்முறை, ரத்தம் தெறிக்கும் காட்சிகள் : ரஜினியின் 'கூலி' படத்திற்கு ‛ஏ' ...
• 
  பிரதீப் ரங்கநாதன் பாணியில் அபிஷன் ஜீவிந்த் நாளை மறுநாள் ஹீரோ ஆகிறார்
• 
  பிட்னஸ் ரகசியத்தை வெளியிட்ட சமந்தா
• 
  ஜெயிலர் 2 படப்பிடிப்பு : மீண்டும் கேரளா செல்லும் ரஜினி
• 
  3 விருதுகளை வென்ற ‛பார்க்கிங்' : ஷாரூக்கான், ராணி முகர்ஜி, ஜிவி ...