Dinamalar

100வது நாளில் அமரன் படம்

கமல்ஹாசன் தயாரிப்பில், ராஜ்குமார் பெரியசாமி இயக்கத்தில் சிவகார்த்திகேயன் நடிப்பில் கடந்த தீபாவளி அன்று திரைக்கு வந்த படம் 'அமரன்'. தமிழகத்தைச் சேர்ந்த மறைந்த மேஜர் முகுந்த் வரதராஜன் வாழ்க்கை வரலாற்றை தழுவி எடுக்கப்பட்ட இந்த படத்தில் முகுந்த் வரதராஜனாக சிவகார்த்திகேயன் நடித்திருந்தார். அவரது மனைவி இந்து ரெபேக்கா வர்கீஸ் கேரக்டரில் சாய்பல்லவி நடித்திருந்தார்.

இந்த படம் வெளியாகி மிகப்பெரிய வரவேற்பை பெற்றது. வசூல் ரீதியாகவும் வெற்றி பெற்று ரூ 300 கோடிக்கும் அதிக வருவாய் ஈட்டியது. தமிழ் மட்டுமின்றி தெலுங்கிலும் வெளியிடப்பட்டு மிகப்பெரிய வெற்றியை பெற்றது. இந்த நிலையில் பொங்கல் பண்டிகைக்கு வெளியான படங்களையும் தாண்டி அமரன் படம் ரசிகர்களிடம் வரவேற்பை பெற்று வந்தது.

இப்படம் இன்றுடன் 100 நாட்களை வெற்றிகரமாக நிறைவு செய்துள்ளது. இது படக்குழு மற்றும் தமிழ் திரை உலகை மகிழ்ச்சியில் ஆழ்த்தியுள்ளது. நடிகர் சிவகார்த்திகேயன் தற்போது ஏஆர் முருகதாஸ் இயக்கத்தில் நடித்து வந்த படத்தை முடித்துவிட்டு, இயக்குனர் சுதா கொங்ரா இயக்கி வரும் பராசக்தி படத்தில் நடித்து வருகிறார். இதன் படப்பிடிப்பு சிதம்பரம் பகுதியில் வேகமாக நடைபெற்று வருகிறது. இது இவரின் 25 வது படம் ஆகும்.

• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?

• 
  ரசிகர்களின் அன்பை சுயலாபத்திற்காக பயன்படுத்த மாட்டேன்: அஜித்குமார்
• 
  ஏஐ.,யின் உதவியுடன் இசையமைத்த அனிருத்!
• 
  சினிமா துறையில் 33 ஆண்டுகளை நிறைவு செய்த அஜித்குமார்! இயக்குனர் ஆதிக் ...
• 
  ரஜினியின் ‛கூலி' படம் 100 பாட்ஷாவுக்கு சமம் என்கிறார் நாகார்ஜுனா!
• 
  எம்.எஸ். பாஸ்கர், பிரான்க் ஸ்டார் கூட்டணியில் ‛கிராண்ட் பாதர்'!