Dinamalar

கார்திக்கிற்கு கை கொடுப்பாரா வாத்தியார்?

பொன்னியின் செல்வன் படத்திற்கு பிறகு கார்த்திக்கு சொல்லிக் கொள்ளும்படியான படங்கள் அமையவில்லை. 'ஜப்பான்' படத்தின் தோல்விக்கு பிறகு வெளியான 'மெய்யழகன் 'படம் விமர்சன ரீதியாக பாராட்டப்பட்டாலும் பெரிய வசூலைத் தரவில்லை. அவர் வில்லனாக அறிமுகமான 'கங்குவா 'படமும் படுதோல்வி அடைந்தது. இந்த நிலையில் அவர் நடித்து வரும் படம்தான் 'வா வாத்தியார்'.

நீண்ட இடைவெளிக்குப் பிறகு நலன் குமாரசாமி இயக்கத்தில் உருவாகி இருக்கும் படம் . கார்த்தியுடன் சத்யராஜ், ராஜ்கிரண், கிர்த்தி ஷெட்டி, ஜி.எம்.சுந்தர் உள்ளிட்ட பலர் நடித்திருக்கிறார்கள். ஜார்ஜ் வில்லியம்ஸ் ஒளிப்பதிவு செய்ய, சந்தோஷ் நாராயணன் இசையமைத்திருக்கிறார். ஸ்டுடியோ கிரீன் நிறுவனம் சார்பில் ஞானவேல் ராஜா தயாரித்திருக்கிறார்.

இப்படத்தின் டீஸர் வெளியாகி ஏழு மில்லியனுக்கும் அதிகமான பார்வையாளர்களால் பார்வையிடப்பட்டு சாதனை படைத்தது. இந்நிலையில் 'வா வாத்தியார்' படத்தில் இடம்பெற்ற ' உயிர் பத்திக்காம..' எனத் தொடங்கும் முதல் பாடலும் பாடலுக்கான லிரிக்கல் வீடியோவும் வெளியிடப்பட்டிருக்கிறது. இந்த பாடலை பாடலாசிரியர் விவேக் எழுத பின்னணி பாடகர் விஜய் நாராயண், பின்னணி பாடகி ஆதித்யா ரவீந்திரன் , பின்னணி பாடகரும், இசையமைப்பாளருமான சந்தோஷ் நாராயணன் ஆகியோர் இணைந்து பாடியிருக்கிறார்கள்.

டீசரும், முதல் பாடலும் வரவேற்பை பெற்றுள்ள நிலையில் கார்த்தி உள்ளிட்ட படக்குழுவினர் மகிழ்ச்சியில் இருக்கிறார்கள். பட வெளியீட்டுக்கு பிறகுதான் கார்திக்கு வாத்தியார் கைகொடுப்பாரா என்பது தெரிய வரும்.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  தியேட்டர் நெரிசல் பலி - 'ஏ 11' குற்றவாளியான அல்லு அர்ஜுன்
• 
  சூர்யா 46வது படத்தின் கதை : தயாரிப்பாளர் வெளியிட்ட தகவல்
• 
  ரெட்ட தல, சிறை படங்களின் பாக்ஸ் ஆபீஸ் நிலவரம்
• 
  கதை திருட்டு புகாரில் சிக்கிய பராசக்தி : உயர்நீதிமன்றம் போட்ட உத்தரவால் ...
• 
  வளர்ந்து வந்த காலத்தில் போட்டிக்குப் போன விஜய்... : அவர் செய்தால் நியாயம், ...