Dinamalar

பிளாஷ்பேக் : ஆதித்தியன் கனவை நனவாக்கிய பாடல்

பல திரைப்படங்களின் வெற்றிக்கு ஒரே ஒரு பாடல் காரணமாக அமைந்து விடும். உதாரணத்திற்கு சொல்ல வேண்டுமென்றால் 'நாளை நமதே' படத்தில் 'நாளை நமதே' என்ற பாடல். இப்படி ஒரு பாடல் 1948ம் ஆண்டே வெளிவந்து படத்தையும் வெற்றி பெற வைத்தது. படம் 'ஆதித்யன் கனவு'. பாடல் 'மதுரமான ருசி உள்ளதே... பால்கோவா...' என்ற பாடல்.

மார்டன் தியேட்டர் டி.ஆர்.சுந்தரம் இயக்கி, தயாரித்தார். இதில் டி.ஆர்.மகாலிங்கம், அஞ்சலி தேவி, டி.ஆர்.ரஜனி, கே.பி.கேசவன், எம்.ஜி.சக்ரபாணி, காளி என்.ரத்னம், சி.டி.ராஜகாந்தம், ஜெய கவுரி, ஏ.கருணாநிதி மற்றும் பலர் நடித்திருந்தார்கள்.

உயிருக்கு உயிரான இரண்டு நண்பர்கள் ஒரு நாட்டின் தளபதியாக இருப்பார்கள். நண்பர்களில் ஒருவருக்கு ஆண் குழந்தையும், இன்னொருவருக்கு பெண் குழந்தையும் பிறந்தால் அவர்களுக்கு திருமணம் செய்து வைக்க வேண்டும் என்று உறுதி பூண்டிருப்பார்கள். ஆனால் சில ஆண்டுகளிலேயே இருவரும் பிரிந்து வெவ்வேறு தேசங்களுக்கு சென்று விடுவார்கள். ஒருவருக்கு டி.ஆர்.மகாலிங்கமும், இன்னொருவருக்கு அஞ்சலிதேவியும் குழந்தைகளாக பிறப்பார்கள். அவர்களின் கனவு படி இருவரும் திருமணம் செய்து கொண்டார்களா என்பதுதான் படத்தின் கதை.

பல படங்களில் பிரிந்த குடும்பங்கள் ஒன்று சேர ஒரு குடும்ப பாடல் இருக்கும் அப்படி இந்த படத்தில் குடும்பத்தை சேர்க்கும் பாடலாக அமைந்ததுதான் 'பால்கோவா' பாடல். இந்த பாடலை டி.ஆர்.மகாலிங்கமும், சூலமங்கலம் ஜெயலட்சுமியும் பாடினார்கள். ஜி.ராமநாதன் இசை அ மைத்திருந்தார், பாபநாசம் சிவன் பாடலை எழுதியிருந்தார். இந்த பாடல் பட்டிதொட்டியெங்கும் பரவியது. படத்தில் இடம்பெற்ற லலிதா - பத்மினியின் நடன நாடகமும் படத்தின் வெற்றிக்கு இன்னொரு காரணமாக அமைந்தது.

(பால்கோவா பாடலை கேட்க இதனை கிளிக் செய்யவும் https://www.youtube.com/watch?v=7ifl6sKnPn4)

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  படம் 1% ஏமாற்றினாலும் என் வீடுதேடி வரலாம்: 'தி ராஜா சாப்' இயக்குனர் ...
• 
  பிரியங்கா மோகனின் கன்னட படம் '666 ஆப்ரேஷன் ட்ரீம் தியேட்டர்' பர்ஸ்ட்லுக் ...
• 
  விக்ரம் பிரபுவின் 'சிறை' படத்தை பாராட்டிய மாரி செல்வராஜ்!
• 
  'டாக்சிக்'-ல் எலிசபெத் ஆக ஹூமா குரேஷி
• 
  ரஜினியை வைத்து முதல் மரியாதை போன்ற படம் இயக்க ஆசை! - சுதா கொங்கரா