Dinamalar

அஜ்மல் மீது நடிகை பாலியல் குற்றச்சாட்டு

'அஞ்சாதே' படத்தின் மூலம் தமிழில் அறிமுகமானவர் அஜ்மல் அமீர். தொடர்ந்து வெற்றிச்செல்வன், இரவுக்கு ஆயிரம் கண்கள், நுங்கம்பாக்கம், நெற்றிக்கண் உள்பட பல படங்களில் நடித்தார். கடைசியாக விஜய் உடன் 'கோட்' படத்தில் நடித்திருந்தார். தற்போது இவர் மீது 'சினம்' ,'உயிர் வரை இனித்தாய்' போன்ற படங்களில் நடித்துள்ள நர்வினி டெரி ரவிசங்கர் பாலியல் புகார் கூறியுள்ளார்.

அவர் கூறியிருப்பதாவது : எனது நண்பருடன் ஒரு மாலுக்கு சென்றிருந்தேன். அங்கு நடிகர் அஜ்மல் அமீரை சந்தித்தேன். அவர் என்னிடம் வந்து, 'நான் எனது அடுத்த படத்துக்கு ஹீரோயின் தேடிக்கொண்டு இருக்கிறேன். ஆடிஷனுக்கு வருகிறீர்களா?' என்று கேட்டார். மறுநாள் நான் ஆடிஷனுக்கு அவரது அலுவலகத்துக்கு சென்றேன். அங்கு அவர் என்னிடம் தவறாக நடந்து கொண்டார்.

அவருடன் நடனம் ஆடச்சொல்லி வற்புறுத்தினார். நான், முடியாது என்று சொன்னேன். என்னை கட்டிப்பிடிக்க முயற்சித்தார். உடனே யாரோ ஒருவர் காலிங்பெல்லை அழுத்தினார். அஜ்மல் கதவை திறந்ததும் நான் வெளியே ஓடி வந்துவிட்டேன். இந்த விஷயத்தை நான் அப்படியே விட்டுவிட்டு வந்திருக்க கூடாது. அன்றிரவு நான் டென்மார்க் நாட்டுக்கு செல்ல வேண்டியிருந்தது.

சில மாதங்கள் கழித்து இந்த விஷயத்தை திரைத்துறையை சேர்ந்த எனது நண்பர் ஒருவரிடம் சொன்னேன். அவர் அஜ்மலை நேரில் அழைத்து கண்டித்துள்ளார். அப்போதே அஜ்மல் மீது போலீசில் புகார் கொடுத்திருக்க வேண்டும் என்று தோன்றியது. ஆனால், சினிமாவில் பல நல்ல மனிதர்களும் இருக்கின்றனர். அதனால் நான் எந்த நடவடிக்கையும் எடுக்கவில்லை.

இவ்வாறு அவர் கூறியிருக்கிறார்.

• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?
• 
  ஜான்வி கபூரின் ‛பரம் சுந்தரி' ரிலீஸ் தேதி அறிவிப்பு
• 
  கதை சர்ச்சையில் சிக்கிய ஸ்ரீலீலாவின் ஆஷிகி 3

• 
  வசூலை குவிக்கும் இந்திய அனிமேஷன் படம்
• 
  சர்வதேச திரைப்பட விழாக்களில் பங்கேற்கும் குழந்தைகள் சினிமா
• 
  பார்க்கிங் படத்துக்கு 3 விருதுகள் : இயக்குனர், ஹீரோ, எம்.எஸ்.பாஸ்கர் ...
• 
  புது சாதனை படைக்குமா 'கூலி' டிரைலர்
• 
  கல்லீரல் பிரச்னையால் அவதிப்படும் தனுஷ் பட நடிகர் : கேபிஒய் பாலா ஒரு ...