Dinamalar

வளர்ந்து வரும் நடிகர் சங்கக் கட்டுமானம்: வீடியோ வெளியீடு

தென்னிந்திய நடிகர் சங்கத்திற்கு புதிய கட்டடம் கட்டப்பட்டு வருகிறது. இன்னும் சில மாதங்களில் கட்டி முடிக்கப்பட உள்ளது. தற்போதைய கட்டுமான நிலவரம் பற்றிய வீடியோ ஒன்றை நடிகர் சங்கம் தற்போது வெளியிட்டுள்ளது. அதன் தலைவர் நாசர் குரலில் ஒவ்வொரு தளத்திற்கான கட்டுமான நிலவரம் எப்படி உள்ளது என்ற வீடியோ அதில் உள்ளது.

ஆடிட்டோரியம், கன்வென்ஷன் ஹால், மினி கன்வென்ஷன் ஹால், டைனிங் ஹால், சங்க அலுவலகம், வாடகைக்கு விடப்பட உள்ள அலுவலக தளம், பார்க்கிங் தளம் என ஏறக்குறைய முடிவடையும் நிலையில் உள்ளவை அந்த வீடியோவில் இடம் பெற்றுள்ளன.

“பெரிய ஒரு கனவு, நாங்கள் எடுத்துக் கொண்ட கடமை, இன்று நடப்பில், விலைவில் நிறைவுறும், கனவு நனவாகும், வானுயர ஓங்கி நிற்கும் தென்னிந்திய நடிகர் சங்கத்தின் பெருமை' என அந்த வீடியோவில் குரல் பதிவில் பேசியுள்ளார் சங்கத் தலைவர் நாசர்.

சில முன்னணி நடிகர்கள் நடிகர் சங்கத்திற்காகவும், கட்டிட நிதியாகவும் சில கோடிகளை வழங்கியதன் காரணமாக கட்டுமானம் விறுவிறுப்பாக நடைபெற்று வருகிறது.

நடிகர் சங்கக் கட்டிடத்தில்தான் தனது திருமணம் நடைபெறும் என அதன் செயலாளர் நடிகர் விஷால் ஏற்கெனவே அறிவித்திருந்தார். சமீபத்தில்தான் நடிகை சாய் தன்ஷிகாவைக் காதலிப்பது பற்றி இருவரும் சினிமா நிகழ்ச்சி ஒன்றில் பேசியிருந்தார்கள். அவர்களது திருமணம், நடிகர் சங்கக் கட்டிடத்தில் நடக்கும் முதல் திருமணமாக இருக்க வாய்ப்புள்ளது.

• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?
• 
  ஜான்வி கபூரின் ‛பரம் சுந்தரி' ரிலீஸ் தேதி அறிவிப்பு

• 
  சூர்யாவின் 46வது படத்தில் இணைந்த பவானிஸ்ரீ
• 
  கிளைமேக்ஸ் மாற்றப்பட்டு ரீ-ரிலீஸ் ஆன தனுஷ் படம் : இயக்குனர் கோபம்
• 
  துள்ளுவதோ இளமை அபினய்க்கு என்னாச்சு : லிவர் ஆபரேசனுக்காக ...
• 
  கூலிக்கு ஏ சான்றிதழ், 2:48 நிமிடம் நீளம் : இதெல்லாம் பட வசூலை பாதிக்குமா?
• 
  கொலை செய்யப்பட்ட தமிழ் ஒளிப்பதிவாளருக்கு கிடைத்த தேசிய விருது