Dinamalar

'டைட்டானிக்' ரிலீஸ் : தயாரிப்பாளருக்கு கோரிக்கை வைக்கும் கலையரசன்

தமிழ் சினிமாவில் சில முக்கிய படங்களைத் தயாரித்தவர் சி.வி.குமார். அவரது தயாரிப்பில், ஜானகிராமன் இயக்கத்தில் நிவாஸ் கே பிரசன்னா இசையமைப்பில், கலையரசன், ஆனந்தி, ஆஷ்னா ஜவேரி, காளி வெங்கட் மற்றும் பலர் நடித்துள்ள படம் 'டைட்டானிக் காதலும் கவுந்து போகும்'.

இப்படத்தின் முதல் பார்வை, டீசர் ஆகியவை 2018ம் ஆண்டில் வெளிவந்தது. அதன்பின் டிரைலரை 2022ம் ஆண்டு வெளியிட்டார்கள். படம் முடிந்து இத்தனை ஆண்டுகளாகியும் சில சிக்கல்களால் வெளியாகாமலேயே உள்ளது.

இப்படத்தின் நாயகனாக கலையரசன் நேற்று திடீரென எக்ஸ் தளத்தில் படத்தின் தயாரிப்பாளர் சி.வி.குமாருக்கு ஒரு கோரிக்கை வைத்து பதிவிட்டுள்ளார். “குமார் சார், 'டைட்டானிக்' படத்தை ஏன் இன்னும் ரிலீஸ் செய்யாமல் இருக்கிறீர்கள்?. இப்படத்தின் இயக்குனர் ஜானகிராமன், நடிகர்கள், தொழில்நுட்பக் கலைஞர்கள் அவர்களது கடுமையான உழைப்புக்குப் பின்னர் நல்ல வெளியீட்டிற்குத் தகுதியானவர்கள். இது ஒரு சிறந்த படம் சார். நம் அனைவருக்கும் இந்தப் படம் வெற்றியைத் தரும் என்ற நம்பிக்கை உள்ளது. விரைவில் படத்தை ரிலீஸ் செய்யுங்கள் சார், ப்ளீஸ்,” என கோரிக்கை வைத்துள்ளார்.

அவரது பதிவை நாயகி ஆஷ்னா ஜவேரியும் பகிர்ந்து, 'காத்திருக்க முடியவில்லை' எனக் குறிப்பிட்டுள்ளார்.

அவர்களது பதிவிற்கு தயாரிப்பாளர் சி.வி.குமார் இன்னும் எந்த பதிலையும் பதிவிடவில்லை.

• செய்திகள்
• வீடியோ
• வந்த படங்கள்
• வரவிருக்கும் படங்கள்

• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?
• 
  ஜான்வி கபூரின் ‛பரம் சுந்தரி' ரிலீஸ் தேதி அறிவிப்பு

• 
  சிரிப்பிற்கு தனி அடையாளம் தந்த நடிகர் மதன் பாப் காலமானார்
• 
  அதிரடி மாஸ் காட்டும் ரஜினியின் ‛கூலி' பட டிரைலர்
• 
  சூர்யாவின் 46வது படத்தில் இணைந்த பவானிஸ்ரீ
• 
  கிளைமேக்ஸ் மாற்றப்பட்டு ரீ-ரிலீஸ் ஆன தனுஷ் படம் : இயக்குனர் கோபம்
• 
  துள்ளுவதோ இளமை அபினய்க்கு என்னாச்சு : லிவர் ஆபரேசனுக்காக ...