Dinamalar

இயக்குனர் கே.பாலசந்தர் பிறந்தநாள்: நன்றி மறந்தார்களா சினிமாகாரர்கள்

தமிழ் சினிமாவில் இயக்குனர் சிகரம் கே.பாலசந்தர் செய்த சாதனைகள் என்ன? அவர் எத்தனை ஹிட் படங்களை கொடுத்தார். எத்தனை பேரை அறிமுகப்படுத்தினார் என சொல்லி தெரிய வேண்டியதில்லை. அவரின் 95வது பிறந்தநாள் நேற்று சென்னையில் சில இடங்களில் நடந்தது. பாலசந்தரிடம் பல ஆண்டுகளாக உதவியாளராக பணியாற்றிய மோகன் சென்னை விருகம்பாக்கத்தில் அவர் பிறந்தநாளை கொண்டாடினார். பாலசந்தர் ரசிகர் மன்றம் சார்பில் ஆழ்வார்பேட்டையில் ஒரு நிகழ்ச்சி நடந்தது. கமல்ஹாசன் ஆபீஸ் வாசலில் வைக்கப்பட்டுள்ள பாலசந்தர் சிலைக்கும் மாலை அணிவித்து பலர் அவர் பிறந்தநாளை கொண்டாடினார்கள்.

ஆனால், இந்த விழாக்களில் பாலசந்தர் படங்களில் நடித்த, அவரால் அறிமுகப்படுத்தப்பட்ட முன்னணி நடிகர், நடிகைகள், தொழில்நுட்ப கலைஞர்கள் கலந்து கொள்ளவில்லை. குறிப்பாக, பாலசந்தரால் அறிமுகப்படுத்தப்பட்ட ரஜினி தனது குருநாதரை புகழ்ந்து ஒரு டுவிட் கூட போடவில்லை. கமல்ஹாசன் ரொம்ப அமைதியாக இருந்துவிட்டார். 'ரோஜா' படத்தை தயாரித்து அவரால் அறிமுகப்படுத்தப்பட்ட ஏ.ஆர்.ரஹ்மானும் கப்சிப். இப்படி அவரால் பலன் பெற்ற பலரும் அமைதியானது பாலசந்தர் ஆதரவாளர்கள், ரசிகர்களை கோபமடைய வைத்துள்ளது. கே.பாலசந்தரிடம் 25 ஆண்டுகள் கார் ஓட்டிய அவரின் பர்சனல் டிரைவர் கோவிந்தராஜன், பூவிலங்கு மோகன் உள்ளிட்ட சிலர் மட்டுமே இந்த பிறந்தநாள் கொண்டாட்டத்தில் கலந்துகொண்டனர்.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  தியேட்டர் நெரிசல் பலி - 'ஏ 11' குற்றவாளியான அல்லு அர்ஜுன்
• 
  சூர்யா 46வது படத்தின் கதை : தயாரிப்பாளர் வெளியிட்ட தகவல்
• 
  ரெட்ட தல, சிறை படங்களின் பாக்ஸ் ஆபீஸ் நிலவரம்
• 
  கதை திருட்டு புகாரில் சிக்கிய பராசக்தி : உயர்நீதிமன்றம் போட்ட உத்தரவால் ...
• 
  வளர்ந்து வந்த காலத்தில் போட்டிக்குப் போன விஜய்... : அவர் செய்தால் நியாயம், ...