Dinamalar

சுரேஷ்கோபி படத்துக்கு ஒரு வழியாக யு/ஏ சான்றிதழ் கொடுத்த சென்சார்

மலையாளத்தில் சீனியர் நடிகரும் தற்போதைய மத்திய அமைச்சருமான சுரேஷ்கோபி நடிப்பில் உருவாகியுள்ள திரைப்படம் 'ஜேஎஸ்கே' (ஜானகி Vs ஸ்டேட் ஆப் கேரளா). இந்த படம் கடந்த ஜூன் 27ம் தேதியே வெளியாவதாக இருந்தது. ஆனால் அதற்கு முன்னதாக சென்சார் சான்றிதழுக்காக அனுப்பப்பட்ட போது படத்தின் டைட்டிலில் ஜானகி என்கிற பெயர் இடம் பெறுவதை சென்சார் அதிகாரிகள் ஆட்சேபித்து அதை மாற்றுமாறு வலியுறுத்தினார்கள். படக்குழுவினர் அதற்கு மறுப்பு தெரிவித்து நீதிமன்றம் சென்றார்கள்.

இதனைத் தொடர்ந்து சென்சார் தரப்பினர் ஜானகி என்கிற பெயர் முன்னாலோ அல்லது பின்னாலோ வி என்கிற அந்த கதாபாத்திரத்தின் (ஜானகி வித்யாதரன்) தந்தையின் இனிசியல் இடம் பெறுமாறு சேர்த்துக் கொண்டால் சான்றிதழ் தருகிறோம் என்றும், மேலும் படத்தின் கதைப்படி நீதிமன்றத்தில் நடைபெறும் குறுக்கு விசாரணையின் போது ஜானகி என்கிற பெயரை பயன்படுத்தாமல் மியூட் செய்ய வேண்டும் என்றும் கூறி இரண்டு நிபந்தனைகளை விதித்துள்ளதாக தெரிகிறது.

இதனை ஏற்றுக் கொண்ட தயாரிப்பாளர் தரப்பும் நீதிமன்றத்தில் அதற்கு சம்மதம் தெரிவித்தனர். இதனை தொடர்ந்து நீதிமன்றம் இந்த படத்தின் திருத்தப்பட்ட புதிய காப்பியை மீண்டும் எப்போது சென்சார் அதிகாரிகள் பெற்றுக் கொள்கிறார்களோ. அதிலிருந்து மூன்றாவது நாள் அவர்களுக்கு சென்சார் சான்றிதழ் வழங்க வேண்டும் என்றும் உத்தரவிட்டது. படக்குழுவினரும் மீண்டும் படத்தை சென்சாருக்கு அனுப்பினர்.

இதை தொடர்ந்து படத்தைப் பார்த்த சென்சார் அதிகாரிகள் கூறிய திருத்தங்களை படக்குழுவினர் செய்திருந்ததை பார்த்து படத்திற்கு 16 வயதிற்கு மேற்பட்டவர்கள் பார்க்கும் விதமாக யு/ஏ சான்றிதழ் கொடுத்துள்ளனர். அந்த வகையில் ஒரு வழியாக ஜேஎஸ்கே படத்தின் ரிலீஸுக்கு தடையாக இருந்த மிகப்பெரிய சிக்கல் நீங்கியுள்ளது. இதை தொடர்ந்து ஜூலை 17ம் தேதி இந்தப்படம் வெளியாக இருக்கிறது.

• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?
• 
  ஜான்வி கபூரின் ‛பரம் சுந்தரி' ரிலீஸ் தேதி அறிவிப்பு
• 
  கதை சர்ச்சையில் சிக்கிய ஸ்ரீலீலாவின் ஆஷிகி 3
• 
  ஆக., 1ல் யு-டியூபில் “சித்தாரே ஜமீன் பர்” : யு-டியூபில் படத்தை வெளியிடுவது ...

• 
  பரிசு அறிவிப்பதில் நடந்த குளறுபடி : மேடையில் கண்ணீர் விட்டு அழுத நடிகை
• 
  இலங்கை சுற்றுப்பயணத்தில் கூட்டத்தில் ஒருவனாக மாறிய மகேஷ்பாபு
• 
  எதிர்ப்பு வலுத்ததால் நடிகர் சங்க போட்டியில் இருந்து விலகிய வில்லன் ...
• 
  சோசியல் மீடியாவில் 7 ஆண்டுகளாக அவதூறு பரப்பிய பெண்ணை அடையாளப்படுத்திய ...
• 
  அசினுடன் நடந்த டெஸ்ட் ஷூட் : பஹத் பாசிலுக்கு கைமாறிய பிரித்விராஜ் படம்