Dinamalar

அடுத்தடுத்து 3 படங்கள்... சம்பளம் 100 கோடி : சிவகார்த்திகேயன் மார்க்கெட் விரிவடைகிறது

சிவகார்த்திகேயன் நடித்த அமரன் படம் பெரிய வெற்றி அடைய அவருடைய மார்க்கெட்டும் விரிவானது. அந்த படம் 350 கோடி வரை வசூலித்ததால், அவரை வைத்து படம் பண்ண தயாரிப்பாளர்கள், இயக்குனர்கள் துடிக்கிறார்கள். இப்போது முருகதாஸ் இயக்கத்தில் மதராஸி படத்தில் நடித்து வருகிறார் சிவகார்த்திகேயன். அதற்கடுத்து யார் இயக்கத்தில் நடிக்கப் போகிறார் என பலருக்கும் டவுட் இருந்தது.

அதை வெங்கட்பிரபு தெளிவுப்படுத்தியுள்ளார். அடுத்து தனது படத்தில் சிவகார்த்திகேயன் நடிக்கப்போகிறார். சத்யஜோதி பிலிம்ஸ் தயாரிக்கிறது. யுவன் ஷங்கர் ராஜா இசையமைக்கிறார் என விஜய் சேதுபதியின் தலைவன் தலைவி பட பாடல்கள் வெளியீட்டு விழாவில் வெங்கட் பிரபு கூறியுள்ளார்.

இந்த படத்தையும் சத்யஜோதி பிலிம்ஸ்தான் தயாரிக்கிறது. அதற்கடுத்து குட் நைட் பட இயக்குனர் விநாயக் சந்திரசேகரன் இயக்கத்திலும், அதற்கடுத்து புஷ்கர் காயத்ரி இயக்கத்திலும் நடிக்கப் போகிறார் சிவகார்த்திகேயன். விநாயக் இயக்கத்தில் தான் அடுத்து சிவகார்த்திகேயன் நடிக்க இருந்தார். அந்த படத்தில் அவர் அப்பாவாக நடிக்க இருந்த மோகன்லால் கால்ஷீட்டில் பிரச்னை என்பதால், வெங்கட்பிரபு படத்துக்கு மாறிவிட்டார் என்று தகவல் வருகிறது.

இந்த 3 படங்கள் முடிவதற்குள் சிவகார்த்திகேயன் சம்பளம் 100கோடியை தொட்டு விடும் என்றும் கூறப்படுகிறது. தமிழ் தவிர, தெலுங்கு, கன்னடம், மலையாளம், ஹிந்தியிலும் சிவகார்த்தியேனுக்கு ஓரளவுக்கு பிஸினஸ் இருப்பதால், அவரை வைத்து படம் தயாரித்தால் ரிலீசுக்கு முன்பே கணிசமான லாபம் பார்த்துவிடலாம், படத்தை குறிப்பிட்ட பட்ஜெட்டுக்குள் முடித்தால் இது சாத்தியம் என கோலிவுட்டில் கணக்கு சொல்லப்படுகிறது

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  ரஜினியை வைத்து முதல் மரியாதை போன்ற படம் இயக்க ஆசை! - சுதா கொங்கரா
• 
  'பராசக்தி' படத்தின் இசை வெளியீட்டு விழா, எங்கே, எப்போது?
• 
  ரிலீசில் ரிகார்டு!: வசூலில் பெரும்பாடு: தமிழ் சினிமாவில் ரூ.2000 கோடியை ...
• 
  'டாக்சிக்' படத்தின் அனுபவம் குறித்து ருக்மணி வசந்த்!
• 
  விஜய் முடிவை மாத்தணும்.. மீண்டும் நடிக்கணும்: நடிகர் நாசர் கோரிக்கை