பிளாக்மெயில் புதுவித அனுபவமாக அமைந்தது : தேஜூ அஸ்வினி - Blackmail became a new experience Teju Ashwini

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

'பிளாக்மெயில்' புதுவித அனுபவமாக அமைந்தது : தேஜூ அஸ்வினி

23 ஜூலை, 2025 - 01:59 IST

எழுத்தின் அளவு:

ஜி.வி.பிரகாஷ் நடிப்பில் அடுத்து வெளிவர இருக்கும் படம் 'பிளாக்மெயில்'. இந்த படத்தில் ஹீரோயினாக நடித்துள்ளார் தேஜூ அஸ்வினி. ஆகஸ்ட் முதல் தேதியில் படம் வெளிவருகிறது. படத்தில் நடித்திருப்பது பற்றி தேஜூ அஸ்வினி கூறியிருப்பதாவது: 'படாக் படாக்' பாடலில் ஜிவி பிரகாஷ் குமார் உடன் இணைந்து நடனமாடினேன். இந்த வீடியோ இணையத்தில் வைரல் ஆனது. நாங்கள் இருவரும் வைரல் ஜோடியானோம். எங்கள் ஜோடி பொருத்தம் குறித்து பலரும் பாராட்டினார்கள். அதுவே நான் இந்த படத்தில் இணைய காரணமானது. ஏற்கெனவே இரண்டு படங்களில் நடித்திருந்தாலும், இந்த படம் எனக்கு தனி அடையாளத்தை கொடுக்கும் என்று நம்புகிறேன்.

வழக்கமான நடிப்பைத் தாண்டி பல பரிசோதனை முயற்சிகளை செய்து பார்க்க 'பிளாக்மெயில்' இடம் கொடுத்தது. புதுவிதமான அனுபவமாக இது அமைந்தது. இயக்குநர் மு. மாறனின் முந்தைய படங்களான 'கண்ணை நம்பாதே', 'இரவுக்கு ஆயிரம் கண்கள்' படத்தில் கதாநாயகிகளுக்கு வலுவான கதாபாத்திரம் இருக்கும். 'பிளாக்மெயில்' படத்தில் என்னை கதாநாயகியாக கேட்டபோதும் நிச்சயம் நடிப்பை வெளிக்கொண்டு வரும் கதாபாத்திரமாக அமையும் என்ற நம்பிக்கையில் சம்மதித்தேன். ஜிவி பிரகாஷ் உடன் இதற்கு முன்பு கலர்புல்லான மியூசிக் வீடியோவில் பணிபுரிந்திருந்ததால் இந்த வாய்ப்பு அவர் மூலம் எனக்கு அமைந்தது'' என்றார்.

Tejuashwini

GVPrakash

Blackmail

கருத்துகள் (0) கருத்தைப் பதிவு செய்ய

வேலு பிரபாகரனின் கடைசி படம்

இட்லி கடை படத்தின் முதல் பாடலின் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய