Dinamalar

கல்லீரல் பிரச்னையால் அவதிப்படும் தனுஷ் பட நடிகர் : கேபிஒய் பாலா ஒரு லட்சம் உதவி

நடிகர் தனுஷ் முதன்முறையாக கதாநாயகனாக அறிமுகமான செல்வராகவன் இயக்கத்தில் வெளியான துள்ளுவதோ இளமை திரைப்படத்தில் அவருக்கு சமமான இன்னொரு நாயகன் கதாபாத்திரத்தில் நடித்தவர் அபினய். அதுமட்டுமல்ல பஹத் பாசில் கதாநாயகனாக அறிமுகமான கையெட்டும் தூரத்து படத்திலும் இவர் முக்கிய கதாபாத்திரத்தில் நடித்திருந்தார். அதனை தொடர்ந்து மலையாளத்தில் மட்டுமே மிகப்பெரிய அளவில் கவனம் செலுத்தி வந்த அபினய் 2014க்கு பிறகு சினிமாவில் பெரிய அளவில் நடிக்கவில்லை. துப்பாக்கி, அஞ்சான் படங்களில் நடித்த வித்யுத் ஜாம்வாலுக்கு இவர் தான் டப்பிங் குரல் கொடுத்திருந்தார்.

இந்த நிலையில் இவர் கல்லீரல் நோயால் பாதிக்கப்பட்டு ஆளே ஒரு தெரியாத அளவிற்கு மெலிந்து மாறியுள்ளார். சமீபத்தில் இவர் தன் உடல்நிலை குறித்து வெளியிட்ட வீடியோ ஒன்று சோசியல் மீடியாவில் வெளியாகி ரசிகர்களை அதிர்ச்சிக்கு உள்ளாக்கியது. இவரது சிகிச்சைக்காக ரூ.28 லட்சம் தேவைப்படுவதாக தெரிகிறது.

இந்த நிலையில் பலருக்கு தன்னால் இயன்ற உதவிகளை செய்து வரும் விஜய் டிவி புகழ் கேபிஒய் பாலா, அபினயின் வீட்டிற்கே நேரில் சென்று அவரை சந்தித்து ஆறுதல் கூறி, உதவி தொகையாக ஒரு லட்சம் ரூபாய் வழங்கியுள்ளார். இவர்கள் சந்திப்பு குறித்த வீடியோவும் தற்போது சோசியல் மீடியாவில் வெளியாகி உள்ளது. தன்னுடன் முதல் படத்தில் இணைந்து நடித்த நடிகர் என்பதால் இந்த விஷயம் கேள்விப்பட்டு நடிகர் தனுஷ் அபினய்க்கு உதவிக்கரம் நீட்டுவாரா என பார்க்கலாம்.

• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?
• 
  ஜான்வி கபூரின் ‛பரம் சுந்தரி' ரிலீஸ் தேதி அறிவிப்பு
• 
  கதை சர்ச்சையில் சிக்கிய ஸ்ரீலீலாவின் ஆஷிகி 3

• 
  கொலை செய்யப்பட்ட தமிழ் ஒளிப்பதிவாளருக்கு கிடைத்த தேசிய விருது
• 
  இரு தேசிய விருதுகளுக்குக் காரணமான அட்லீ, அனிருத்
• 
  பிளாஷ்பேக் : 3 மொழிகளில் வெற்றி பெற்ற அம்மா சென்டிமெண்ட் படம்
• 
  பிளாஷ்பேக் : எம்.எஸ்.பாஸ்கருக்கு விருது கிடைத்திருக்க வேண்டிய ...
• 
  வசூலை குவிக்கும் இந்திய அனிமேஷன் படம்