Dinamalar

‛ஹிருதயம் லோபலா' பாடல் நீக்கம் ஏன் ? : கிங்டம் தயாரிப்பாளர் புது விளக்கம்

விஜய் தேவரகொண்டா நடிப்பில் சமீபத்தில் கிங்டம் திரைப்படம் வெளியானது. பாக்யஸ்ரீ போர்ஸ் கதாநாயகியாக நடித்துள்ள இந்த படத்தை இயக்குனர் கவுதம் தின்னனூரி இயக்கியுள்ளார், அனிருத் இசை அமைத்துள்ளார். பாடல்கள் ஏற்கனவே நல்ல வரவேற்பை பெற்றன. இந்த நிலையில் நேற்று முன்தினம் வெளியான இந்த படத்தை பார்க்கச் சென்ற ரசிகர்களுக்கு மிகப்பெரிய அதிர்ச்சி காத்திருந்தது. ஆம், இந்த இந்த படத்திற்காக முதன் முதலில் வெளியிடப்பட்ட ஹிருதயம் லோபலா என்கிற பாடல், படத்தில் இடம் பெறவில்லை. இத்தனைக்கும் ரசிகர்களிடம் மிகவும் வரவேற்பு பெற்ற ஒரு ரொமாண்டிக் பாடல் இது.

இந்த நிலையில் சமீபத்தில் நடைபெற்ற பத்திரிக்கையாளர் சந்திப்பில் இது குறித்து தயாரிப்பாளர் நாக வம்சியிடம் கேட்கப்பட்டபோது, “இந்த படத்தை நீங்கள் பார்த்து விட்டீர்களா ? இந்த பாடலை பொருத்துவதற்கு இந்த படத்தில் எங்கே சரியான இடம் இருக்கிறது என்று சொன்னால், அங்கே இந்த பாடலை இடம்பெறச் செய்வேன். இந்த பாடலை இடம்பெறச் செய்ய எவ்வளவோ முயற்சி செய்தோம். ஆனால் அவை அனைத்தும் படத்தின் வேகத்தை குறைப்பது போல இருந்ததால் தான், படத்தில் இடம்பெறச் செய்ய முடியாமல் போனது” என்று கூறியுள்ளார்.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  ரஜினியை வைத்து முதல் மரியாதை போன்ற படம் இயக்க ஆசை! - சுதா கொங்கரா
• 
  'பராசக்தி' படத்தின் இசை வெளியீட்டு விழா, எங்கே, எப்போது?
• 
  ரிலீசில் ரிகார்டு!: வசூலில் பெரும்பாடு: தமிழ் சினிமாவில் ரூ.2000 கோடியை ...
• 
  'டாக்சிக்' படத்தின் அனுபவம் குறித்து ருக்மணி வசந்த்!
• 
  விஜய் முடிவை மாத்தணும்.. மீண்டும் நடிக்கணும்: நடிகர் நாசர் கோரிக்கை