Dinamalar

'கைதி 2'க்கு முன்பாக ஹீரோவாக நடிக்கப் போகும் லோகேஷ் கனகராஜ்

தமிழ் சினிமாவில் இன்றைய முன்னணி இயக்குனர்களில் ஒருவர் லோகேஷ் கனகராஜ். அவர் இயக்கியுள்ள 'கூலி' படம் இன்று வெளியாகிவிட்டது. இந்தப் படத்திற்குப் பிறகு அவர் கார்த்தி நடிக்க உள்ள 'கைதி 2' படத்தை இயக்கும் திட்டத்தில்தான் இருந்தார்.

ஆனால், அதற்கு முன்பாக அவர் ஹீரோவாக நடிக்கப் போகிறார் என்ற புதிய தகவல் ஒன்று வெளியாகி உள்ளது. அப்படத்தை அருண் மாதேஸ்வரன் இயக்க உள்ளதாகத் தகவல். தனுஷ் நடிக்க இளையராஜாவின் பயோபிக்கை அருண் மாதேஸ்வரன் இயக்குவதாக அறிவிப்புகள் வெளிவந்தது. ஆனால், அந்தப் படம் ஆரம்பமாகுமா என்பதே சந்தேகமாகிவிட்டது.

இயக்குனர்கள் பலரும் நடிகர்களாக மாறியதைப் போல லோகேஷுக்கும் அந்த ஆசை நீண்ட நாட்களாகவே இருக்கிறது என்கிறார்கள். குறுகிய தயாரிப்பாக இந்தப் படத்தில் நடித்த பிறகு 'கைதி 2' படத்திற்குப் போக உள்ளாராம். அந்தப் படத்தில் அவரது சம்பளம் உள்ளிட்ட பிற விஷயங்கள் குறித்து இன்னும் முடிவு எட்டப்படவில்லை என்கிறார்கள். அப்படத்திற்காக பெரிய பட்ஜெட்டைக் கொடுத்துள்ளாராம் லோகேஷ். அவற்றைத் தயார்படுத்தும் கால அவகாசத்துக்குள் லோகேஷ் நடிக்கும் படத்தை முடித்துவிடும் திட்டம் உள்ளதாம்.

• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி
• 
  நிலத்தில் உழவு செய்த சல்மான் கான், தோனி

• 
  தனுஷை தொடர்ந்து கார்த்தியை இயக்கும் எச்.வினோத்?
• 
  விஜய் அரசியலுக்கு வருவது சமூகத்தின் மீதான அக்கரையை காட்டுகிறது!- ...
• 
  ஜனநாயகனை விட பராசக்திக்கு கூடுதல் தியேட்டர்கள் ஒதுக்கப்பட்டுள்ளதா? - ...
• 
  நீலாம்பரி போல கதாபாத்திரங்கள் கிடைத்தால் நடிப்பேன் ; நமீதா விருப்பம்
• 
  படங்களின் லாப நட்ட கணக்கை ஏன் வெளியே சொல்ல வேண்டும் ? நிவின்பாலி கேள்வி