மருமகனுக்காக மாமா படம் தயாரிப்பாரா?

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

23 ஆக, 2025 - 10:14 IST

எழுத்தின் அளவு:

Will-the-uncle-make-a-film-for-his-son-in-law

விஜயகாந்த் இளையமகன் சண்முகப்பாண்டியன் ‛சகாப்தம்' என்ற படத்தின் மூலம் ஹீரோவாக அறிமுகம் ஆனார். 2015ல் வெளியான அந்த படம் ஹிட்டாகவில்லை. அடுத்து ‛மதுரவீரன்' என்ற படத்தில் நடித்தார், அதுவும் பெரிய வெற்றிபெறவில்லை. சற்றே இடைவெளிக்குபின் அவர் நடித்த ‛படைத்தலைவன்'-ம் சரியாக போகவில்லை. இப்போது ‛கொம்புசீவி' என்ற படத்தில் நடித்து வருகிறார். அந்த படத்தை ‛வருத்தப் படாத வாலிபர் சங்கம், ரஜினி முருகன்' போன்ற படங்களை இயக்கிய பொன்ராம் கமர்ஷியலாக உருவாக்கி வருகிறார்.

இதற்கிடையில், சண்முகப்பாண்டியனை வைத்து ‛ரமணா 2' எடுக்க ரெடி என்கிறார் இயக்குனர் ஏ.ஆர்.முருகதாஸ், ‛கேப்டன் பிரபாகரன் 2' உருவாக்க தயார் என்கிறார் ஆர்.கே.செல்வமணி. ஆனால், இந்த படங்கள் தயாரிப்பதில் சிக்கல். காரணம், சண்முகபாண்டியன் மார்க்கெட் காரணமாக இந்த படங்களை தயாரிக்க தயாரிப்பாளர் கிடைக்கவில்லை.

சண்முகபாண்டியன் மாமாவும், பிரேமலதா தம்பியுமான எல்.கே.சுதீஷ் பிரபல தயாரிப்பாளர். அவர் விஜயகாந்த்தை வைத்து பல வெற்றி படங்களை தயாரித்தவர். அவர் மருமகனுக்காக இந்த படங்களை தயாரித்தால் நன்றாக இருக்கும் என்கிறார்கள் கோலிவுட்டில். அரசியல் குடும்பத்தில் இருந்து வந்து இருப்பதால் அவரை வைத்து படம் தயாரிக்க சிலர் தயங்குகிறார்கள். படப்பிடிப்பு, படம் ரிலீஸ் சமயத்தில் சிக்கல் வருமோ என்று பயப்படுகிறார்கள். அதனால், தகுந்த தயாரிப்பாளர் இல்லாமல் சண்முகபாண்டியன் தவிப்பதாக தகவல்.

Shanmuga Pandian

LK Sudhish

VijayaKanth

சண்முக பாண்டியன்

எல்கே சுதீஷ்

விஜயகாந்த்

கருத்துகள் (0) கருத்தைப் பதிவு செய்ய

ரூ. 300 கோடி வசூலை நோக்கி நகரும் ...

இனி, நடிப்புக்கு முழுக்கு: சமந்தா ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய