Dinamalar

ஸ்பெயின் கார் பந்தயத்தில் மூன்றாமிடம்: அஜித் அணிக்கு உதயநிதி பாராட்டு

திரைப்படம், கார் பந்தயம் என இரட்டை சவாரி செய்து வருகிறார் நடிகர் அஜித்குமார். ‛அஜித்குமார் ரேஸிங்' என்ற கார் ரேஸ் அணியை உருவாக்கி, போட்டிகளில் பங்கேற்று வருகிறார். அஜித் அணி துபாயில் 2ம் இடமும், இத்தாலியில் 3ம் இடமும், பெல்ஜியத்தில் 3ம் இடமும் பிடித்து அசத்தியது. தற்போது ஸ்பெயின் நாட்டில் நடைபெறும் கார் பந்தயங்களில் அவரின் ‛அஜித்குமார் ரேஸிங்' அணி பங்கேற்றது.

ஸ்பெயின் நாட்டின் பார்சிலோனா நகரில் நடைபெற்ற ‛கிரென்டிக் 24எச் ஐரோப்பிய எண்டூரன்ஸ் சாம்பியன்ஷிப் சீரிஸ் 2025' கார் பந்தயத்தில் நடிகர் அஜித் அணி ஒட்டுமொத்தமாக மூன்றாம் இடத்தைப் பிடித்து சாதனை படைத்தது. இந்த வெற்றிக்காக அஜித்துக்கும், அவரது குழுவினருக்கும் துணை முதல்வர் உதயநிதி ஸ்டாலின் வாழ்த்துகளையும், தமிழக அரசின் சார்பில் நன்றியையும் தெரிவித்துள்ளார்.

உதயநிதியின் பதிவு: நடிகரும், நண்பருமான அஜித்குமார் சாரின் அணி ஒட்டுமொத்தமாக மூன்றாம் இடம் பிடித்தது அறிந்து மகிழ்ந்தோம். இந்த வெற்றியின் மூலம் சர்வதேச அளவில் கார் பந்தயத்தில் இந்தியாவையும் தமிழகத்தையும் பெருமையடையச் செய்துள்ள அஜித் சாருக்கும், அவருடைய குழுவினருக்கும் நம்முடைய வாழ்த்துகளைத் தெரிவித்துக் கொள்கிறோம்.

இந்த சர்வதேச போட்டியின் போது, நம்முடைய தமிழ்நாடு விளையாட்டு மேம்பாட்டு ஆணையத்தின் (SDAT) லோகோவை, கார் - ரேஸிங் உபகரணங்கள் மற்றும் ஜெர்சியில் பயன்படுத்தியதற்காக, தமிழக அரசு சார்பில் நன்றி தெரிவித்து மகிழ்கிறோம். அஜித்குமார் ரேஸிங் அணி, டிராக்கில் இன்னும் பல வெற்றிகளைக் குவிக்கட்டும். இவ்வாறு அவர் பதிவிட்டுள்ளார்.

இதற்கு நன்றி தெரிவித்துள்ள அஜித்தின் மேலாளர் சுரேஷ் சந்திரா, ‛‛துணை முதல்வர் உதயநிதி, தமிழக அரசு, தமிழ்நாடு விளையாட்டு மேம்பாட்டு ஆணையம் மற்றும் தமிழக மற்றும் இந்திய மக்களுக்கு, அஜித்குமார் மற்றும் அவரது ரேஸிங் அணி தனது மனமார்ந்த நன்றிகளைத் தெரிவிக்கிறது. உங்கள் அன்பும், ஆதரவும் எப்போதும் எங்களுக்குத் துணை நின்றுவந்துள்ளன.

எங்களின் அடுத்த கட்ட பங்கேற்பு, கீழ்காணும் புகழ்பெற்ற சர்வதேச மோட்டார் விளையாட்டு போட்டிகளில் நடைபெறும்:

ஆசியன் லெ மான்ஸ் தொடர்
•டிசம்பர் 13 & 14, 2025 - சேபாங், மலேசியா
•ஜனவரி 31 & பிப்ரவரி 01, 2026 - துபாய், ஐக்கிய அரபு எமிரேட்ஸ்
•பிப்ரவரி 07 & 08, 2026 - அபூதாபி, ஐக்கிய அரபு எமிரேட்ஸ்

கிரெவென்டிக் 24 மணி நேர தொடர்
•டிசம்பர் 05 & 06, 2025 - சேபாங், மலேசியா
•ஜனவரி 09 & 10, 2026 - அபூதாபி, ஐக்கிய அரபு எமிரேட்ஸ்
•ஜனவரி 17 & 18, 2026 - துபாய், ஐக்கிய அரபு எமிரேட்ஸ்

வரவிருக்கும் பங்கேற்புகள் - 2026
•மிச்சலின் லெ மான்ஸ் யூரோப்பிய தொடர்
•கிரெவென்டிக் 24 மணி நேர யூரோப்பிய தொடர்

உங்களின் அன்பும், ஆதரவும், வாழ்த்துகளும் எப்போதும் எங்களுடன் இருக்கும் என நம்பிக்கையுடன் எதிர்பார்க்கிறோம். அஜித் குமார் மற்றும் அவரது அணி, மேலும் உயர்ந்த இலக்குகளுக்காக தங்கள் முழு மனதும் உடலும் அர்ப்பணித்து செயல்பட உள்ளனர்'' எனத் தெரிவித்துள்ளார்.

• 
  ‛ஆசாத் பாரத்' பற்றி நெகிழும் இந்திரா திவாரி
• 
  நிலத்தில் உழவு செய்த சல்மான் கான், தோனி
• 
  'திரிஷ்யம் 3' படத்திலிருந்து விலகிய அக்ஷய் கண்ணா ; சம்பள பிரச்னை காரணமா ?
• 
  ஜனவரி 23-ல் நெட் பிளிக்ஸில் தேரே இஸ்க் மே
• 
  2025ல் நம்பர் 1 வசூல் - 'காந்தாரா சாப்டர் 1'ஐ முந்திய 'துரந்தர்'

• 
  டிரெயின்-ல் ஸ்ருதிஹாசன் பாடிய கன்னக்குழிக்காரா
• 
  ரஜினிக்காக மட்டுமே அதை செய்தேன் : சொல்கிறார் உபேந்திரா
• 
  மறு தணிக்கைக்கு செல்லும் பராசக்தி
• 
  வருட இறுதியில் ஓடிடியில் மகிழ்விக்க வரிசைக்கட்டும் 'புதுப்படங்கள்'..!
• 
  குரு சோமசுந்தரம், அனுமோல் இணைந்து நடிக்கும் பாரிஸ் கபே