அடுத்த பட அறிவிப்பில் தாமதிக்கும் அஜித், விக்ரம், சிவகார்த்திகேயன்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

23 அக், 2025 - 01:37 IST

எழுத்தின் அளவு:

Ajith,-Vikram,-Sivakarthikeyan-delay-next-film-announcement

தமிழ் சினிமாவில் இப்போதுள்ள முன்னணி நடிகர்கள் பலரும் வருடத்திற்கு ஒரு படத்திலாவது நடித்து விடுகிறார்கள். ஆனால், சில சமயங்களில் அவர்களது புதிய படங்களுக்கான அறிவிப்பு மிகவும் காலதாமதமாகிவிடுகிறது.

இந்த வருடத்தில் 'விடாமுயற்சி, குட் பேட் அக்லி' என இரண்டு வெளியீடுகளைக் கொடுத்தவர் அஜித். 'குட் பேட் அக்லி' படம் வெளிவந்து ஆறு மாதங்களாகிவிட்டது. அஜித்தின் அடுத்த படமாக அவரது 64வது படத்தின் அறிவிப்பு தீபாவளிக்குள் வந்துவிடும் என்றார்கள். ஆனால், வெளியாகவில்லை.

விக்ரம் நடித்து இந்த வருடம் வெளிவந்த 'வீர தீர சூரன்' சுமாரான வெற்றிப் படமாக அமைந்தது. அப்படம் வெளியாகி ஏழு மாதங்கள் ஆகப் போகிறது. அவரது அடுத்த படம் பற்றி அறிவிப்பு வந்து அது டிராப் ஆகிவிட்டது. அவர் நடித்து முடித்த 'துருவ நட்சத்திரம்' முடிந்து சில வருடங்களாகியும் வெளியாகத் தாமதமாகிறது. எந்த இயக்குனருடன் விக்ரம் இணைந்து அடுத்த பட அறிவிப்பை வெளியிடுவார் எனத் தெரியவில்லை.

சிவகார்த்திகேயன் ஒரே சமயத்தில் அடுத்தடுத்து 'மதராஸி, பராசக்தி' ஆகிய படங்களில் நடித்து வந்தார். 'மதராஸி' கடந்த மாதம் வெளியானது. 'பராசக்தி' படத்தின் படப்பிடிப்பு சமீபத்தில் முடிவடைந்தது. அடுத்து அவர் யார் படத்தில் நடிக்கப் போகிறார் என்பது சஸ்பென்ஸ் ஆக உள்ளது. வெங்கட் பிரபு, சிபி சக்கரவர்த்தி இருவரில் ஒருவரது படம் பற்றிய அறிவிப்பு விரைவில் வெளியாகலாம் என்கிறார்கள்.

Ajithkumar

Vikram

Sivakarthikeyan

அஜித்குமார்

விக்ரம்

சிவகார்த்திகேயன்

கருத்துகள் (0) கருத்தைப் பதிவு செய்ய

இரண்டு மாத 'வசூல் வறட்சி'யை ...

சினிமாவில் 20 ஆண்டுகள்: பயணம் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய