Dinamalar

கதைநாயகன் ஆனார் மொட்டை ராஜேந்திரன்: தனது பிடிவாதத்தை தளர்ப்பாரா?

வடிவேலு, சந்தானம், சூரி, யோகிபாபு, முனிஸ்காந்த், புகழ் வரிசையில் இப்போது காமெடியன் மொட்டை ராஜேந்திரனும் ஹீரோவாகிவிட்டார். அவர் கதைநாயகனாக நடித்த 'ராபின்ஹுட்' பட டிரைலரை பாராட்டியுள்ளார் இயக்குனர் எச்.வினோத். 1980 பின்னணியில் இந்த கதை உருவாகி உள்ளது.

அறிமுக இயக்குநர் கார்த்திக் பழனியப்பன் இயக்கத்தில் கலக்கலான காமெடி திரைப்படமாக உருவாகும் இந்த படத்தின் டிரைலரை பார்த்த இயக்குனர் எச்.வினோத் ''படத்தின் பின்னணி, விஷுவல்கள் பிரம்மாதமாக உள்ளது. காமெடி அருமையாக உள்ளது. இசை படத்திற்கு பொருத்தமாக அமைந்துள்ளது. படம் பார்க்கும் ஆவலைத் தூண்டுகிறது. படக்குழுவினருக்கு வாழ்த்துக்கள் எனத் தெரிவித்துள்ளார்.

1980களில், கிராமத்தில் ஒரு லாட்டரி சீட்டில் பெரிய பரிசு விழ, அந்த பரிசுக்காக இருவருக்கு இடையே நிகழும் போட்டியும், பிரச்னைகளும் தான் இந்த படத்தின் மையம். நாம் மறந்து போன லாட்டரி சீட்டு காலத்தை, கிராமப்புற பின்னணியில் மீட்டெடுத்து, கலகலப்பான திரைக்கதையுடன் உருவாக்கி உள்ளேன்.

அருப்புகோட்டை, காரியாபட்டி மற்றும் அதனைச் சுற்றியுள்ள கிராமங்களில் நடத்தி முடிக்கப்பட்டுள்ளது என்கிறார் இயக்குனர். பொதுவாக, தான் நடிக்கும் பட விழாக்கள், புரமோஷன்களுக்கு மொட்டை ராஜேந்திரன் வருவது இல்லை. தான் கதைநாயனாக நடிக்கும் இந்த பட விழாவுக்காவது வருவாரா? அல்லது அஜித் பாலிசியை பின்பற்றுவாரா என தெரியவில்லை.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  தியேட்டர் நெரிசல் பலி - 'ஏ 11' குற்றவாளியான அல்லு அர்ஜுன்
• 
  சூர்யா 46வது படத்தின் கதை : தயாரிப்பாளர் வெளியிட்ட தகவல்
• 
  ரெட்ட தல, சிறை படங்களின் பாக்ஸ் ஆபீஸ் நிலவரம்
• 
  கதை திருட்டு புகாரில் சிக்கிய பராசக்தி : உயர்நீதிமன்றம் போட்ட உத்தரவால் ...
• 
  வளர்ந்து வந்த காலத்தில் போட்டிக்குப் போன விஜய்... : அவர் செய்தால் நியாயம், ...