Dinamalar

'தி கேர்ள்ப்ரெண்ட்' பட முழு ஸ்கிரிப்ட்டையும் ஆன்லைனில் அப்லோடு செய்த இயக்குனர்

தெலுங்கு திரைகலகில் நடிகர், இயக்குனர் என ரசிகர்களுக்கு அறிமுகமானவர் இயக்குனர் ராகுல் ரவீந்திரன். பின்னணி பாடகி சின்மயின் கணவரும் கூட. ராகுல் இயக்கத்தில் ராஷ்மிகா மந்தனா நடிப்பில் சமீபத்தில் 'தி கேர்ள் ப்ரெண்ட்' என்கிற படம் வெளியாகி ரசிகர்களிடம் வரவேற்பை பெற்றது.

இந்த நிலையில் இயக்குனர் ராகுல் ரவீந்திரன் உடன் சோசியல் மீடியாவில் உரையாடிய பல ரசிகர்கள், இந்த படத்தின் ஸ்கிரிப்டை ரசிகர்களின் பார்வைக்காக வெளியிடுங்கள் என்று கோரிக்கை வைத்து வந்தனர். தற்போது அவரது கோரிக்கையை ஏற்றுள்ள ராகுல் ரவீந்திரன் இந்த படத்தில் மொத்த ஸ்கிரிப்டையும் ஆன்லைனில் பதிவேற்றி அதற்கான லிங்கை ரசிகர்களுக்கு வெளிப்படுத்தியுள்ளார்.

மேலும் இது குறித்து அவர் கூறும்போது, ''பல ரசிகர்களிடமிருந்து இது போன்ற கோரிக்கை வந்தது. இதோ உங்களுக்காக படப்பிடிப்புக்கு நாங்கள் செல்வதற்கு முன்பாக எழுதப்பட்ட இறுதி திரைக்கதையை இந்த லிங்கில் கொடுத்திருக்கிறேன், நீங்கள் இதை படித்துப் பார்க்கும்போது இந்த காட்சிகள் படத்தில் எப்படி உருவாக்கப்பட்டுள்ளன, என்ன விஷயங்கள் எல்லாம் படப்பிடிப்பின் போதும் மேம்படுத்தப்பட்டுள்ளன என்பதை உணர முடியும்.

இதில் இருக்கும் சில காட்சிகள் சில காரணங்களால் படத்தில் இடம்பெறாமல் போயிருக்கின்றன. இந்த திரைக்கதை நீங்கள் படிக்கலாமே தவிர இதை மறு உருவாக்கம் செய்வதோ மறு வெளியீடு செய்வதோ கூடாது நீங்கள் நிச்சயமாக இதை ரசித்து படிப்பீர்கள் என நினைக்கிறேன்'' என்று கூறியுள்ளார்.

• 
  தெலுங்கில் டப் செய்யப்படும் ரன்வீர் சிங்கின் 'துரந்தர்'
• 
  16 வயதுக்கு கீழ் உள்ளவர்களுக்கு தடை செய்ய வேண்டும் : சோனு சூட்
• 
  விவாகரத்து வதந்தி : கடும் கோபத்தை வெளிப்படுத்திய அபிஷேக் பச்சன்
• 
  பாகிஸ்தானுக்கு எதிரான கதையா? ரன்வீர் சிங்கின் துரந்தர் படத்திற்கு தடை
• 
  பனாரஸில் தேவநாகரி லோகோ உடன் ஒளிர்ந்த அவதார் பயர் அண்ட் ஆஷ்

• 
  எம்ஜிஆர் நினைவுநாளில் 'வா வாத்தியார்' வருகிறார்…???
• 
  தயாரிப்பாளர்கள் இல்லாமல் நடந்த 'அகண்டா 2' சக்சஸ் மீட்
• 
  பலாத்காரத்துக்கு திட்டமிட்டவர்களும் தண்டிக்கப்பட வேண்டும் : மஞ்சு ...
• 
  பிளாஷ்பேக் : ஹிந்திப் படத்தை ரீமேக் செய்த டி.ராஜேந்தர்
• 
  பிளாஷ்பேக் : காணாமல் போன 'கண்ணின் மணிகள்'