Dinamalar

மீண்டும் ஜாக்பாட் நிகழ்ச்சி... : குஷ்புவின் டிசைனர் யார் தெரியுமா?

ஜெயா டிவியில் நடிகை குஷ்பு பல ஆண்டுகளாக தொகுத்து வழங்கிய ஜாக்பாட் நிகழ்ச்சி அந்த காலத்தில் பிரபலமாக இருந்தது. குறிப்பாக நிகழ்ச்சியில் அவர் அணிந்து வந்த ஜாக்கெட் பெண்கள் மத்தியில் அப்போது டிரெண்ட்டாகவும், பேசு பொருளாகவும் இருந்தது. ஒவ்வொரு வார நிகழ்ச்சிக்கும் ஒவ்வொரு விதமான மாடலில் அவர் ஜாக்கெட் அணிந்து வந்து பார்வையாளர்களை கவர்ந்தார். அவருக்குபின் ஜாக்பாட் நிகழ்ச்சியை சிம்ரன் கூட நடத்தினார். பின்னர், அது நிறுத்தப்பட்டது.

இந்நிலையில் 16 ஆண்டுகளுக்குபின் மீண்டும் ஜெயா டிவியில் ஜாக்பாட் நிகழ்ச்சியை நடத்துகிறார் குஷ்பு. வரும் செப்டம்பர் 13 முதல் ஞாயிறுதோறும் ஜாக்பாட் ஒளிபரப்பாகிறது. இதற்கான படப்பிடிப்பு சென்னையில் நடந்து வருகிறது.

ஜாக்பாட் நிகழ்ச்சி குறித்து குஷ்பு பேசுகையில், ‛‛மீண்டும் இந்த நிகழ்ச்சியை தொகுத்து வழங்குவது மகிழ்ச்சி. என் உடை, பேச்சு, நிகழ்ச்சியில் வரும் கேள்விகள், பங்கு பெறும் அணிகள், சுவாரஸ்யங்களுக்காக அந்த நிகழ்ச்சியை பார்த்தவர்கள் பலர். உங்க நிகழ்ச்சி வந்துவிட்டால் எங்க வீட்டில் உரிய நேரத்தில் சாப்பாடு வராது என பலர் புகார் கூட சொல்லியிருக்கிறார்கள். அந்த நிகழ்ச்சியை மீண்டும் பல புதுமைகளுடன் தொகுத்து வழங்குகிறேன்.
பிரபலங்கள் மட்டுமல்ல, அனைத்து தரப்பினரும் இதில் பங்கு பெற்று 10 லட்சம் வரை பரிசுகளை வெல்லலாம். காலத்துக்கு ஏற்ப வாட்ஸ் ஆப் மூலமாகவும் கேள்விகள் கேட்கப்பட உள்ளது. உங்க ஜாக்கெட்டை யார் டிசைன் பண்ணுகிறார்கள் என என்னிடம் கேட்காதவர்கள் இல்லை, இந்தமுறை ஜாக்பாட் நிகழ்ச்சியில் வரும் என் ஜாக்கெட்டை நடிகை பூர்ணிமா பாக்யராஜ் டிசைன் செய்து கொடுக்கிறார். சினிமாவில் இருந்த நான் இந்த நிகழ்ச்சி மூலமாக சின்னத்திரை வந்தேன், இன்னும் பிரபலம் ஆனேன். மீண்டும் கொஞ்சம் இடைவெளிக்குபின் சின்னத்திரை வந்துள்ளேன்'' என்கிறார்.

• 
  'திரிஷ்யம் : தி கன்க்ளூஷன்' டிரைலர் வெளியானது
• 
  செலவு சிறுசு.... வரவு பெருசு... : வசூலை வாரிக் குவிக்கும் "ஹனுமான் அன்ஷ்"
• 
  மராத்தி தெரிந்திருந்தும் சஞ்சய் தத் வேண்டுமென்றே பேசாமல் தவிர்த்தாரா ? : ...
• 
  உதவி இயக்குனராக இருந்தவர் ‛ஹனுமான் அன்ஷ்' படத்தின் ஹீரோவாக மாறியது ...
• 
  7 மில்லியன் லைக்குகளைப் பெற்ற தீபிகா படுகோனே 'பிரக்னன்சி போட்டோஸ்'

• 
  புதிய அரசியல் இயக்கம் தொடங்கும் சின்னத்திரை நடிகர்
• 
  16 வருடங்களுக்கு பிறகு மீண்டும் 'ஜாக்பாட்' நிகழ்ச்சி
• 
  சிவகாமியின் செல்வன், முத்து, தாய் கிழவி - ஞாயிறு திரைப்படங்கள்
• 
  லதா ராவ் தவிப்பு : விமான நிலைய அதிகாரிகள் விளக்கம்
• 
  பெரிய திரையில் கவனம் செலுத்தும் டீகே