Dinamalar

ரஜினியின் மகள் என்பதால் யாரை பார்த்தும் வியப்படைவதில்லை : சவுந்தர்யா ரஜினிகாந்த்

சவுந்தர்யா ரஜினிகாந்த் ஷோ-ரன்னராகவும் தயாரிப்பாளராகவும் பணியாற்றியுள்ள படம் 'லவ்'. பாலாஜி மோகன் இயக்கத்தில் உருவாகி உள்ள இந்தப் படத்தில் அர்ஜுன் தாஸ் மற்றும் ஐஸ்வர்யா லட்சுமி முன்னணி கதாபாத்திரங்களில் நடித்துள்ள இந்தத் தொடர், இன்றைய டிஜிட்டல் உலகில் காதல், டேட்டிங், உறவுகள் மற்றும் உணர்வுகள் எப்படி மாறியிருக்கின்றன என்பதை நகைச்சுவையுடனும் உணர்வுப்பூர்வமாகவும் சொல்லும் படமாக உருவாகி உள்ளது.

படத்தின் அறிமுக விழா நடந்தது, இதில் சவுந்தர்யா ரஜினி பேசியதாவது: என்னை நம்பி இந்தக் கதையை வழங்கிய நெட்பிளிக்ஸ் நிறுவனத்திற்கும், குறிப்பாக மோனிகாவுக்கும் எனது நன்றியைத் தெரிவித்துக் கொள்கிறேன். மும்பையில் இந்த தொடருக்கான விவாதம் நடைபெற்றபோது அவருடன் இருந்த அனுபவம் எனக்கு மிகவும் சிறப்பானது. என்னை ஒரு சிறந்த தயாரிப்பாளராகவும், சிறந்த கதை சொல்லியாகவும் உருவாக அவர் அளித்த உத்வேகம் மறக்க முடியாதது.

நான் அதிகமான விஷயங்களால் எளிதில் வியப்படைவதில்லை. ஏனென்றால், நான் தலைவரின் மகள். அனைவராலும் போற்றப்படும் ஒருவருடன் வாழும்போது, மற்றவர்களைப் பார்த்து வியக்கும் பழக்கம் குறைந்துவிடும். ஆனால் மோனிகா என்னை மிகவும் வியக்க வைத்தவர். அவர் ஒரு சிறந்த தலைவர், மிகப்பெரிய உத்வேகம் தருபவர்.

நெட்பிளிக்ஸ் ஒரிஜினல் தொடரின் ஷோ-ரன்னராகவும் தயாரிப்பாளராகவும் இருப்பது எனக்கு மிகப்பெரிய பொறுப்பு. ஒரு கதையை ஆரம்பத்திலிருந்து இறுதிக்கட்டம் வரை கொண்டு செல்வது என்னுடைய பொறுப்பாக மாறியது. அந்தப் பயணத்தில் பல கடினமான முடிவுகளை எடுக்க வேண்டியிருந்தது. எடுத்த முடிவுகளில் உறுதியாக இருப்பதோடு, தேவையான நேரத்தில் அவற்றை மாற்றிக் கொள்ளவும் கற்றுக் கொண்டேன்.

இறுதியில், இந்தத் தொடரை நாங்கள் நினைத்த இடத்திற்கு சரியாகக் கொண்டு சேர்க்க வேண்டும் என்பதுதான் எங்களது ஒரே நோக்கமாக இருந்தது. இந்தப் பயணத்தில் நான் கற்றுக் கொண்ட மிகப்பெரிய விஷயம், முடிவுகளை எடுப்பது கடினமாக இருந்தாலும், சரியான நேரத்தில் அந்த முடிவுகளை எடுக்க வேண்டும் என்பதுதான் முக்கியமானது. என்றார்.

• 
  டாக்டரை தாக்கி 5 லட்சம் கேட்டு மிரட்டல் : பிக்பாஸ் பிரபலம் கைது
• 
  ‛லவ் அண்ட் வார்' : விக்கி கவுசலின் இரு மாறுபட்ட தோற்றங்கள் வெளியீடு
• 
  ரசிகர்களை ஈர்த்த ரன்பீர் கபூர், சாய் பல்லவி, யஷின் 'ராமாயணா' புதிய ...
• 
  தமன்னாவுக்கு ஏமாற்றத்தை கொடுத்த ‛தி வான்'
• 
  லவ் அண்ட் வார் : ஆலியா பட்டின் முதல்பார்வை வெளியீடு

• 
  'அவெஞ்சர்ஸ் எண்ட்கேம்: என்கோர்' இந்தியாவில் 26 கோடி வசூல்: உலகளவில் 5வது ...
• 
  பிளாஷ்பேக்: 'புறநானூறு' என்ற இலக்கியம் தந்த கரு. உருவானது “காதல் கோட்டை”
• 
  திரிஷ்யம் 3 ஹிந்தி பதிப்பை வெளியிட தடை கோரி ஸ்ரீப்ரியா வழக்கு
• 
  'வருஷம் 16' ராதிகா முதல் 'சின்னத்தம்பி' நந்தினி வரை: குஷ்பு நடித்த ...
• 
  அக்டோபர் முதல் வாரத்தில் 5 படங்கள் ரிலீஸ்