Dinamalar

பிரபாஸ் பிறந்தநாளில் அடுத்தடுத்து வந்த படங்களின் அப்டேட்ஸ்

பான் இந்தியா ஸ்டார் என ஒரே படத்தில் உயர்ந்தவர் தெலுங்கு நடிகர் பிரபாஸ். 'பாகுபலி' படங்களுக்குப் பிறகு அவர் நாயகனாக நடித்து வெளிவந்த பான் இந்தியா படங்களில் 'கல்கி 2898 ஏடி' படம் மட்டுமே 1000 கோடி வசூலைக் கடந்தது. மற்ற படங்கள் சில நூறு கோடி வசூலைக் கடந்தாலும் லாபமில்லாத படங்கள் என பாக்ஸ் ஆபீஸ் தகவல்கள் தெரிவித்தன. இருந்தாலும் பிரபாஸ் கைவசம் தற்போது நான்கைந்து பான் இந்தியா படங்கள் உள்ளன.

நேற்று அக்டோபர் 23 அவரது பிறந்தநாளை முன்னிட்டு அவர் நடித்து வரும் படங்களின் அப்டேட்ஸ்களை பிறந்தநாள் வாழ்த்துடன் அடுத்தடுத்து வெளியிட்டார்கள்.

ஹனுராகவபுடி இயக்கத்தில் பிரபாஸ் நடித்து வரும் 'பௌசி' படத்திற்காக மைத்ரி மூவி மேக்கர்ஸ் வீயோ ஒன்றை வெளியிட்டுள்ளது. சுதந்திர போராட்டத்திற்கு முந்தைய காலகட்ட வீடியோவாக அது உள்ளது. இப்படம் 2027 மார்ச் 19ம் தேதி வெளியாக உள்ளது.

சந்தீப் ரெட்டி வங்கா இயக்கத்தில் பிரபாஸ் நடித்து வரும் 'ஸ்பிரிட்' படம் 2027 அக்டோபர் 29 தீபாவளியன்று வெளியாகும் என ஒரு வாரம் முன்பே அறிவித்திருந்தார்கள். நேற்று இயக்குனர் சந்தீப் ரெட்டி வங்கா ஒரு சரக்கு பாட்டிலைத் திறக்க, அதை பிரபாஸ் பார்க்கும் ஒரு புகைப்படத்தை வெளியிட்டு, 'உற்சாகம் மேலோங்கி உள்ளது,” எனக் குறிப்பிட்டுள்ளார்கள்.

'கல்கி 2898 ஏடி' தயாரிப்பு நிறுவனம் வைஜெயந்தி மூவிஸ் பிறந்தநாள் வாழ்த்துகளை சொல்லி, “கல்கி 2898 ஏடி யுனிவர்ஸ்-ன் அடுத்த அத்தியாயத்திற்கு நல்வரவு,” என்று பதிவிட்டுள்ளார்கள்.

பிரபாஸுக்கு இயக்குனர் பிரசாந்த் நீல் வாழ்த்து சொல்லும் வீடியோ ஒன்றை மைத்ரி மூவி மேக்கர்ஸ் வெளியிட்டுள்ளது. அதில் பிரசாந்திடம், எங்கே பிறந்தநாள் பரிசு, சலார் 2 எப்போது என பிரபாஸ் கேட்க, அதற்கு பிரசாந்த் நீல், 'அடுத்த வருடம் ஜூன்' என பதிலளிக்கிறார். இந்த வீடியோ தற்போது வைரலாகி உள்ளது.

பிரபாஸின் பிறந்தநாளை முனனிட்டு அடுத்தடுத்த அப்டேட்களை படக்குழுவினர் வெளியிட்டுள்ளதால் பிரபாஸ் ரசிகர்கள் மகிழ்ச்சியில் உள்ளனர்.

• செய்திகள்
• ஆல்பம்
• வீடியோ
• வந்த படங்கள்
• வரவிருக்கும் படங்கள்

• 
  ராமாயணா இரண்டாம் பாகம் 2028-க்கு தள்ளிவைக்கப்பட்டதா?
• 
  ரன்பீர் கபூருக்கும் மிரட்டல்
• 
  இன்ஸ்டாகிராமில் என்னால் பணம் சம்பாதிக்க முடியாதா? அதிர்ச்சி அடைந்த சைப் ...
• 
  வீட்டிற்கு புல்லட் புரூப் கண்ணாடி பொருத்தும் அக் ஷய் குமார்
• 
  சல்மான் கானுக்கு பதிலாக இந்த வார பிக்பாஸ் நிகழ்ச்சியில் புதிய பிரபலம்

• 
  அருள்நிதியின் ‛வேட்ட சாமி' படம் டிசம்பரில் வெளியாகிறது
• 
  பாக்கெட் நாவல் படத்தின் டப்பிங் பணிகள் தொடங்கின
• 
  முதல் பாடலிலேயே சாதனையை துவங்கிய தமிழ் சினிமாக்கள்
• 
  செல்ல நாயின் பின்னணியில் உருவாகும் முகேன் ராவ்வின் 'மைலோ'
• 
  சந்தானத்தின் 'லவ் பைட்' படப்பிடிப்பு நிறைவு : டிசம்பரில் ரிலீஸ்