Dinamalar

சித்ராவின் ஹேண்ட் பேக்கில் போதைப் பொருளா?: திசை மாறும் விசாரணை?

சின்னத்திரை நிகழ்ச்சித் தொகுப்பாளினியாக இருந்து நடிகையாக உயர்ந்தவர் விஜே சித்து. டிவி சீரியல்கள், குறும்படங்கள் மட்டுமின்றி கால்ஸ் என்ற படத்திலும் அவர் நடித்துள்ளார். அந்தப் படம் இந்த மாதம் ரிலீஸாகவிருக்கிறது.

இந்நிலையில் கடந்த மாதம் 9ம் தேதி தான் தங்கியிருந்த ஹோட்டல் அறையில் தூக்கிட்டு தற்கொலை செய்து கொண்டார் சித்து. அவரது மரணம் தற்கொலையா அல்லது கொலையா என்ற சந்தேகம் தொடர்ந்து அவரது ரசிகர்கள் மத்தியில் நீடித்து வருகிறது. அதோடு அவரைப் பற்றியும், கைது செய்யப்பட்டுள்ள அவரது கணவர் ஹேமந்த் பற்றியும் பல்வேறு புதிய தகவல்கள் வெளியாகி வருகின்றன.

சித்துவின் மரணம் தொடர்பாக தொடர்ந்து விசாரணை நடைபெற்று வரும் சூழ்நிலையில், தற்கொலை செய்து கொண்டபோது சித்துவின் ஹேண்ட் பேக்கில் இருந்து போலீசார் கஞ்சா மற்றும் கஞ்சா அடைக்கப்பட்ட சிகரெட்டை மீட்டதாக தகவல்கள் வெளியாகியுள்ளது.

சித்துவுக்கு மது அருந்தும் பழக்கம் உண்டு என ஏற்கனவே அவரது மாமனார், அதாவது ஹேமந்த்தின் அப்பா குற்றம் சாட்டி இருந்த நிலையில், போதைப் பொருள் விவகாரமும் பெரும் பரபரப்பை ஏற்படுத்தியுள்ளது.

பிரபல பாலிவுட் நடிகர் சுஷாந்த் சிங் தற்கொலையைத் தொடர்ந்து போதைப் பொருள் விவகாரம் விஸ்வரூபம் எடுத்தது. இதே போல் சித்துவின் வழக்கு விசாரணையும் வேறு கோணத்திற்கு மாறுமா என்பதைப் பொறுத்திருந்து தான் பார்க்க வேண்டும்.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  படம் 1% ஏமாற்றினாலும் என் வீடுதேடி வரலாம்: 'தி ராஜா சாப்' இயக்குனர் ...
• 
  பிரியங்கா மோகனின் கன்னட படம் '666 ஆப்ரேஷன் ட்ரீம் தியேட்டர்' பர்ஸ்ட்லுக் ...
• 
  விக்ரம் பிரபுவின் 'சிறை' படத்தை பாராட்டிய மாரி செல்வராஜ்!
• 
  'டாக்சிக்'-ல் எலிசபெத் ஆக ஹூமா குரேஷி
• 
  ரஜினியை வைத்து முதல் மரியாதை போன்ற படம் இயக்க ஆசை! - சுதா கொங்கரா