Dinamalar

ஓடிடி - 'சூரரைப் போற்று' சாதனையை முறியடிக்குமா 'மாஸ்டர்' ?

கொரோனா தொற்று பரவல் காரணமாக கடந்த வருடம் மார்ச் மாதம் முதல் நவம்பர் மாதம் வரை தமிழ்நாட்டில் தியேட்டர்கள் மூடப்பட்டிருந்தன. அந்த கால கட்டத்தில் சில புதிய திரைப்படங்கள் நேரடியாக ஓடிடி தளங்களில் வெளியாகின.

முதலில் வந்த சில படங்கள் எதிர்பார்த்த அளவு வரவேற்பைப் பெறவில்லை. அதனால், ஓடிடி தளங்களின் எதிர்காலம் கூட கேள்விக்குறியானது. இந்நிலையில் சூர்யா நடித்த 'சூரரைப் போற்று' படம் ஓடிடியில் நேரடியாக வெளியாகி ஓடிடி தளங்களுக்கு மகிழ்ச்சியைத் தந்தது. ஓடிடி தளங்களில் வெளியாகும் படங்கள் நன்றாக இல்லையே என இழந்த பெருமையை மீட்க அந்தப் படம் பெரிதும் உதவியது.

'சூரரைப் போற்று' படம் வெளியான 24 மணி நேரத்தில் 5 கோடியே 50 லட்சம் பார்வைகளையும், இரண்டு வாரங்களில் 10 கோடி பார்வைகளையும் பெற்றதாக அப்போது செய்திகள் வெளிவந்தன.

அந்த சாதனையை 'மாஸ்டர்' படம் முறியடிக்குமா என்ற கேள்வி தற்போது எழுந்துள்ளது. 'மாஸ்டர்' படம் ஓடிடியில் வெளியான 24 மணி நேரத்தில் 90 லட்சம் பார்வைகளை மட்டுமே பெற்றதாக அதிகாரப்பூர்வமற்ற தகவல்கள் தெரிவிக்கின்றன. இருந்தாலும் அப்படம் வெளியான நாளிலிருந்து பலரும் படத்தைப் பார்த்து வருவதாக சமூக வலைத்தளங்களில் பதிவிட்டு வருகிறார்கள்.

'சூரரைப் போற்று' படம் நேரடியாக ஓடிடி தளத்தில் வெளியானதால் அப்படி ஒரு வரவேற்பைப் பெற்றது. ஆனால், 'மாஸ்டர்' படம் தியேட்டர்களில் இரண்டு வாரங்கள் ஓடிய நிலையில் ஓடிடி தளத்தில் வெளியானது. இருந்தாலும் விஜய் படம் என்பதால் இப்படம் அடுத்த வாரங்களில் மேலும் அதிகப் பார்வைகளைப் பெறும் என்கிறார்கள். இருந்தாலும் 'சூரரைப் போற்று' படத்தின் 10 கோடிக்கும் அதிகமான பார்வை சாதனையை முறியடிக்க முடியுமா என்பதைப் பொறுத்திருந்தே பார்க்க வேண்டும்.

• 
  ரூ.60 கோடி பண மோசடி : நடிகை ஷில்பா ஷெட்டி, கணவர் ராஜ்குந்த்ரா மீது ...
• 
  தெரு நாய்களுக்கு ஆதரவாக குரல் கொடுத்து விமர்சனத்தில் சிக்கிய ஜான்வி ...
• 
  'எக்ஸ்க்ளுசிவ் ஒப்பந்தம்' : 'வார் 2' செய்வது சரியா ?
• 
  சிறையில் இருக்கும் நடிகை ரன்யா ராவின் வளர்ப்பு தந்தைக்கு மீண்டும் ...
• 
  அவுட்டோர்களுக்கும் தலையணையுடன் பயணிக்கும் ஜான்வி கபூர்

• 
  இந்த வயதில் இப்படி நடிக்கவே விருப்பம் : ஸ்ரீலீலா
• 
  கூலி படம் ரிலீஸ் : பெங்களூர் ராமகிருஷ்ணா ஆசிரமத்துக்கு சென்ற ரஜினி
• 
  ஷாரூக், சுனில் ஷெட்டி, அமிதாப், பாபி தியோல் வரிசையில் அமீர்கான்
• 
  வளைந்து செல்லாதீர்கள், தைரியமாக இருங்கள் : பெண்களுக்கு சுவாசிகா அறிவுரை
• 
  சினிமாவில் நடிக்க வைப்பதாகக் கூறி சிறுமிக்கு வன்கொடுமை; மலையாள நடிகை ...