தனுஷை முந்தும் சாய் பல்லவி

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

தனுஷை முந்தும் சாய் பல்லவி

18 மார், 2021 - 07:47 IST

எழுத்தின் அளவு:

'மாரி 2' படத்தில் இடம் பெற்ற 'ரவுடி பேபி' பாடல் தான் தென்னிந்தியத் திரையுலகில் யு டியூபில் நம்பர் 1 இடத்தைப் பிடித்துள்ள பாடலாக இருக்கிறது. அப்படத்தின் சாதனையை வெகு சீக்கிரத்தில் வேறு எந்த ஒரு பாடலும் பிடித்துவிட முடியாது என்றே தோன்றுகிறது.

'ரவுடி பேபி' பாடலின் அதீத வரவேற்புக்குக் காரணம் தனுஷ் நடனமா, சாய் பல்லவி நடனமா என அந்தப் பாடல் வந்ததிலிருந்தே கேள்வி இருந்து வருகிறது. இருவருமே சிறப்பாக நடனமாடியதும், துள்ளல் இசையும் தான் அப்பாடலின் வெற்றிக்குக் காரணமாக உள்ளது.

கடந்த மாதத்தில் தனுஷ் நடித்துள்ள 'கர்ணன்' படத்தின் 'கண்டா வரச் சொல்லுங்க' பாடலும், சாய் பல்லவி நடித்துள்ள 'லவ் ஸ்டோரி' படத்தின் 'சாரங்க தரியா' பாடலும் பத்து நாட்கள் இடைவெளியில் யு டியூபில் வெளியானது. இரண்டு பாடல்களுமே நாட்டுப்புறப் பாடலாக இருப்பது ஒரு ஒற்றுமை.

இந்த இரண்டு பாடல்களில் 'சாரங்க தரியா' பாடல் 'கண்டா வரச் சொல்லுங்க' பாடலை விட இரண்டு மடங்கு அதிகமான பார்வைகளைப் பெற்றுள்ளது. அதற்குக் காரணம் சாய் பல்லவி. இத்தனைக்கும் பாடலில் சில இடங்களில் தான் அவருடைய நடனம் காட்டப்படுகிறது. அதற்கே இத்தனை பார்வைகளைக் கொடுத்துவிட்டார்கள் ரசிகர்கள்.

'கண்டா வரச் சொல்லுங்க' பாடல் 20 மில்லியன் பார்வைகளையும், 'சாரங்க தரியா' 62 மில்லியன் பார்வைகளையும் தற்போது கடந்துள்ளது. சமீபத்தில் வெளியான பல பாடல்களில் இந்த இரண்டு படங்களின் நாட்டுப்புறப் பாடல்கள் ரசிகர்களைக் கவர்ந்துள்ளது வரவேற்க வேண்டிய ஒன்று.

Saipallavi

Sarangadariya

Dhanush

Kandavarasollunga

கருத்துகள் (0) கருத்தைப் பதிவு செய்ய

ஜல்லிக்கட்டு கதையில் அப்பாணி சரத்

46வது படத்தில் போலீசாக நடிக்கும் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய