Dinamalar

‛ஒவ்வொரு பூக்களுமே... பாடல் புகழ் கோமகன் கொரோனாவால் உயிரிழப்பு

கொரோனாவுக்கு நகைச்சுவை நடிகர் பாண்டு இன்று(மே 6) உயிரிழந்த நிலையில் பார்வையற்ற மாற்றுத்திறனாளி பாடகர் கோமகனும் இந்நோய்க்கு பலியாகி இருப்பது திரையுலகினர் இடையே சோகத்தை ஏற்படுத்தி உள்ளது.

சேரன் இயக்கிய ஆட்டோகிராப் படத்தில் பரத்வாஜ் இசையில் வெளியான, ‛‛ஒவ்வொரு பூக்களுமே... பாடலில் மாற்றுத்திறனாளி பாடகர் கோமகனும் பாடி, நடித்திருந்தார். அந்தப்படம் தந்த வெளிச்சத்தால் தொடர்ந்து பல்வேறு மேடை நிகழ்ச்சிகளில் பாடி வந்தார். மேலும் மாற்றுத்திறனாளிகள் கொண்ட ஆர்கெஸ்ட்ரா இசைக்குழுவையும் நடத்தி வந்தார். தமிழக அரசின் கலைமாமணி விருது உள்ளிட்ட பல விருதுகளை வென்றுள்ளார்.

கொரோனாவால் பாதிக்கப்பட்ட கோமகன், இருவாரங்களுக்கு முன் தனியார் மருத்துவமனையில் சிகிச்சை பெற்று வந்தார். பின் அவரது உடல்நிலை மேலும் பாதிப்படைய சென்னையில் உள்ள அரசு மருத்துவமனையில் இருதினங்களுக்கு முன் அனுமதிக்கப்பட்டார். இந்நிலையில் சிகிச்சை பலன் இன்றி இன்று அவரது உயிர் பிரிந்தது.

இயக்குனர் சேரன் இரங்கல்
இயக்குனர் சேரன் டுவிட்டரில், ‛‛வார்த்தைகள் இல்லை... மனதிலும் குரலிலும் முழுக்க தன்னம்பிக்கை கொண்ட மனிதர்... அவருடைய குழுவில் உள்ள 25 குடும்பங்களுக்கு கண்களாக விளங்கியவர்.. காலையில் எழுந்ததும் கேள்விப்பட்ட இந்த செய்தி நெஞ்சை நொறுக்கியது.. கோமகனின் ஆன்மா அமைதி கொள்ளட்டும்.. என பதிவிட்டுள்ளார்.

சினேகா இரங்கல்
ஆட்டோகிராப் படத்தில் நடித்த சினேகா இன்ஸ்டாகிராமில், ‛‛என் வாழ்வின் மிக முக்கியமான ஒரு நல்நினைவு, "ஒவ்வொரு பூக்களுமே" பாடல். அந்நினைவின் அற்புதமான பங்கு வகித்தவர் அன்பு சகோதரர் கோமகன்! அவரின் மறைவு மிகுந்த துயரளிக்கிறது. அவரது குடும்பத்திற்கும் குழுவிற்கும் அனுதாபங்கள்'' என பதிவிட்டுள்ளார்.

கொரோனாவுக்கு திரைப்பிரபலங்கள் அடுத்தடுத்து மறைந்து வருவது திரையுலகினர் இடையே அச்சத்தையும், சோகத்தையும் ஏற்படுத்தி உள்ளது.

• 
  ஜுனியர் என்டிஆரின் 10 வருட தொடர் வெற்றியைப் பறித்த 'வார் 2'
• 
  மகன் இயக்கியுள்ள படம் குறித்து ஷாருக்கானின் நேர்மையான விமர்சனம்
• 
  ஸ்ரீ லீலாவை ஆலியா பட்டுக்கு போட்டியாக சித்தரிக்கும் பாலிவுட் ஊடகங்கள்!
• 
  பலாத்காரம் செய்யப்பட்டாலும் பெண்களைத்தான் குறை சொல்கிறார்கள்! -கங்கனா ...
• 
  கூலி படத்தில் அமீர்கானை வீணடித்து விட்டார்கள் : ரசிகர்கள் ஆதங்கம்

• 
  ஆபரேஷன் சிந்தூரில் வீர மரணம் அடைந்த முரளி நாயக் வாழ்க்கை சினிமாவாகிறது
• 
  அதிக வசூல் இயக்குனர்களில் முதலிடத்தில் லோகேஷ் கனகராஜ்
• 
  'கேப்டன் பிரபாகரன்' படத்திற்காக வீரப்பனை சந்தித்தேன்: ஆர்.கே.செல்வமணி
• 
  பிளாஷ்பேக்: ரஜினி நடித்த 'ஏ' படங்கள்
• 
  பாடகர் வேடன் மீது குவியும் பாலியல் புகார்கள்