Dinamalar

பாடகர் வேடன் மீது குவியும் பாலியல் புகார்கள்

இலங்கை தமிழ் தாய்க்கும், மலையாள தந்தைக்கும் மகனாக பிறந்த வேடன் என்கிற ஹிரன்தாஸ் முரளி. தற்போது கேரள மாநில இளைஞர்கள் கொண்டாடும் பாப் மற்றும் கானா பாடகராக இருக்கிறார். அவர் பங்கேற்கும் நிகழ்ச்சியில் ஆயிரக்கணக்கான மக்கள் திரள்கிறார்கள். ‛மஞ்சும்மல் பாய்ஸ், நரிவேட்ட' உள்ளிட்ட சில படங்களிலும் பாடி உள்ளார். ஒளிப்பதிவாளர் விஜய் மில்டன் இயக்கும் படத்தின் மூலம் தமிழுக்கும் வர இருக்கிறார்.

இந்த நிலையில் வேடன் மீது தொடர்ந்து பாலியல் புகார்கள் குவிந்து வருகிறது. இளம் பெண் டாக்டர் ஒருவர் கொச்சி திருக்காக்கரா காவல் நிலையத்தில் வேடன் மீது பாலியல் புகார் கொடுத்துள்ளார். திருமணம் செய்து கொள்வதாக வாக்குறுதி அளித்து தன்னை பாலியல் வன்கொடுமை செய்ததாக புகாரில் அவர் குறிப்பிட்டுள்ளார். இந்தப் புகாரின் பேரில் கொச்சி திருக்காக்கரா போலீசார் வேடன் மீது வழக்குப் பதிவு செய்தனர்.

தற்போது மேலும் 2 பெண்கள் அவர் மீது பாலியல் புகார் தெரிவித்துள்ளனர். இசை குறித்து ஆராய்ச்சி செய்வதாக கூறி கொச்சிக்கு வரவழைத்து வேடன் பாலியல் பலாத்காரம் செய்ததாக ஒருவரும், வேடன் இசை நிகழ்ச்சியால் ஈர்க்கப்பட்ட தன்னை, பாலியல் ரீதியாக பயன்படுத்திக் கொண்டதாக மற்றொருவரும் புகார் தெரிவித்திருக்கிறார்கள்.

இதற்கிடையில் வேடன் போதை மருந்து பயன்படுத்திய ஒரு வழக்கும் நிலுவையில் உள்ளது. தொடரும் பாலியல் புகார்கள் குறித்து வேடனின் ரசிகர்கள் அதிர்ச்சி அடைந்துள்ளனர்.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  தியேட்டர் நெரிசல் பலி - 'ஏ 11' குற்றவாளியான அல்லு அர்ஜுன்
• 
  சூர்யா 46வது படத்தின் கதை : தயாரிப்பாளர் வெளியிட்ட தகவல்
• 
  ரெட்ட தல, சிறை படங்களின் பாக்ஸ் ஆபீஸ் நிலவரம்
• 
  கதை திருட்டு புகாரில் சிக்கிய பராசக்தி : உயர்நீதிமன்றம் போட்ட உத்தரவால் ...
• 
  வளர்ந்து வந்த காலத்தில் போட்டிக்குப் போன விஜய்... : அவர் செய்தால் நியாயம், ...