Dinamalar

டிவி படப்பிடிப்புகள் ரகசியமாக நடக்கிறதா?

கொரோனா இரண்டாவது அலையின் பரவல் மிகவும் மோசமாக இருக்கிறது. தினமும் சினிமா, டிவி பிரபலங்கள் யாராவது மரணம் அடைகிறார்கள் என்ற தகவலும் வந்து கொண்டுதான் இருக்கிறது. டிவி தொடர்களில், கேம் ஷோக்களில் நடிக்கும் நடிகர்கள், நடிகைகள் அடுத்தடுத்து கொரோனா தொற்றால் பாதிக்கப்பட்டு வருகிறார்கள்.

இவ்வளவு மோசமான சூழ்நிலையிலும் சில டிவிக்களின் தொடர்கள், ஷோக்கள் படப்பிடிப்புகள் ரகசியமாக நடந்து வருவதாகத் தெரிகிறது. கொரோனா தொற்றால் பாதிக்கப்பட்டுள்ள சில நடிகர்கள், நடிகைகள் அவர்களது பாதிப்பைப் பற்றி வெளியில் கூட சொல்வது இல்லை என்ற குற்றச்சாட்டும் இருக்கிறது. தற்போது டிவி தொடர் ஒன்றில் நடிக்கும் ஒரு முன்னாள் கதாநாயகி நடிகை உள்ளிட்ட சிலர் தொற்றால் பாதிக்கப்பட்டுள்ளார்களாம். அப்படி அவர்கள் சொன்னால் தான் அவர்களுடன் கடந்த சில நாட்களில் உடனிருந்தவர்கள் பரிசோதனை மேற்கொள்ள இயலும்.

கொரோனா பாதுகாப்பு வழிமுறைகளை படப்பிடிப்பு நடத்துபவர்கள் ஒழுங்காகக் கடைபிடிக்காததே டிவி நடிகர்கள், நடிகைகளுக்கு இந்த அளவிற்கு கொரோனா பரவக் காரணமாக இருப்பதாகச் சொல்கிறார்கள்.

முன்னணி நடிகர்கள், நடிகைகளாக இருந்தால் அவர்களுக்கென தனி இட வசதி கொடுப்பார்கள். ஆனால், சிறிய நடிகர்கள், நடிகைகளுக்கு அப்படிப்பட்ட வசதிகள் கிடைக்காது. அவர்கள் கொரோனா தொற்றால் பாதிக்கப்பட்டாலும் அவர்களுக்குக் கிடைக்கும் சொற்ப வருவாயால் அவர்களது நிலைமை கவலைக்குரியதாகவே இருக்கும்.

இப்படி ரகசியமாக படப்பிடிப்பு நடத்துபவர்களை அறிந்து அவர்கள் மீது அரசு தக்க நடவடிக்கை எடுக்க வேண்டும் என சின்னத்திரை வட்டாரங்களில் இருந்தே தகவல் வருகிறது.

• 
  தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்
• 
  'கல்கி 2' படத்திலிருந்தும் தீபிகா படுகோனே விலகல்?
• 
  சூப்பர் ஹீரோ படத்திற்காக லோகேஷ் கனகராஜ் உடன் கைகோர்க்கும் அமீர்கான்
• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்
• 
  5 ஆண்டுகளாக உருவான 'சையாரா' பாடல்கள்

• 
  இரவில் சிரித்து பேசிய தந்தையை காலையில் உயிருடன் பார்க்கவில்லை : ஷைன் டாம் ...
• 
  இசையமைப்பாளர் ஆனார் இளையராஜா பேரன்
• 
  விடுமுறை நாளிலும் வசூலில் ஏமாற்றிய தக் லைப்
• 
  நாக சைதன்யாவை காதலித்தபோது கழுத்தின் பின்பகுதியில் குத்திய டாட்டூவை ...
• 
  தக் லைப் படத்தை புகழ்ந்து பதிவிட்ட இயக்குனர் கார்த்திக் சுப்பராஜ்