Dinamalar

ஆர்ஆர்ஆர் - சாதனை விற்பனையில் சாட்டிலைட், டிஜிட்டல் உரிமை

ராஜமவுலி இயக்கத்தில், ஜுனியர் என்டிஆர், ராம் சரண் தேஜா, ஆலியா பட் மற்றும் பலர் நடிக்கும் படம் 'ஆர்ஆர்ஆர்'. இப்படத்தின் படப்பிடிப்பு தற்போது கொரோனா தொற்று காரணமாக நிறுத்தி வைக்கப்பட்டுள்ளது. இன்னும் 50 நாட்கள் வரை படப்பிடிப்பு நடத்தினால் மொத்த படப்பிடிப்பும் முடிவடையும் நிலையில் உள்ளது என டோலிவுட்டில் தெரிவிக்கிறார்கள்.

இதனிடையே, இப்படத்தின் வெளியீட்டிற்குப் பிந்தைய சாட்டிலைட் மற்றும் டிஜிட்டல் உரிமை ஆகியவை சாதனை விலைக்கு ஒப்பந்தம் செய்யப்பட்டுள்ளதாக பாலிவுட்டிலிருந்து வரும் தகவல்கள தெரிவிக்கின்றன. அனைத்து மொழிகளுக்குமான அந்த உரிமையை ஜீ நிறுவனம் சுமார் 325 கோடி ரூபாய்க்கு வாங்கிவிட்டதாகச் சொல்கிறார்கள். கடந்த வருடம் ஸ்டார் இந்தியா நிறுவனத்திடம் பேச்சு வார்த்தை நடந்ததாம். ஆனால், அவர்களுடனான பேச்சு வார்த்தை ஒப்பந்தம் வரை போகவில்லை என்கிறார்கள்.

இந்த சாட்டிலைட், டிஜிட்டல் உரிமை விற்பனையுடன் சேர்த்து அனைத்து விதமான வியாபாரத்தையும் 'ஆர்ஆர்ஆர்' குழுவினர் முடித்துவிட்டார்களாம். டேபிள் பிராபிட்டாக மட்டும் சுமார் 400 கோடிக்கும் அதிகமாக வந்திருக்கும் என்கிறார்கள். ஒட்டு மொத்த வியாபாரமும் 800 கோடி ரூபாயைக் கடந்திருக்கலாம் என்றும் தகவல்.

இந்தியத் திரையுலகில் இதுவரையில் எந்த ஒரு படமும் வெளியீட்டிற்கு முன்பே இந்த அளவிற்கு ஒரு வியாபாரத்தைப் பண்ணதில்லை என்றே பாலிவுட்டில் சொல்கிறார்கள்.

ராஜமவுலி இந்தியத் திரையுலகின் முதன்மை இயக்குனராக இப்படம் மூலம் உயர்ந்துவிடுவார் என்பதால் தெலுங்குத் திரையுலகினர் மகிழ்ச்சியில் இருக்கிறார்கள்.

• 
  நடிகர் பிரித்விராஜின் தார்யா ஹிந்தி படப்பிடிப்பு நிறைவு
• 
  புகையிலை விளம்பரத்திற்கு ரூ.40 கோடி: தைரியமாக மறுத்த சுனில் ஷெட்டி
• 
  சிறுத்தையின் கர்ஜனையால் தெறித்து ஓடிய நடிகை மவுனி ராய்
• 
  'திரிஷ்யம்-3'யில் அக்ஷய் கண்ணாவுக்கு பதிலாக நடிக்கும் விஸ்வரூபம் ...
• 
  ஷாருக்கானின் பதான் பட வசூலை முறியடிக்கும் துரந்தர்

• 
  2026 கோடை விடுமுறையில் திரைக்கு வரும் விஷாலின் 'மகுடம்'!
• 
  காதலருடன் பிரேக்ப்பா? வதந்திக்கு முற்றுப்புள்ளி வைத்த பிரியா பவானி ...
• 
  அருள் நிதியின் 'டிமான்டி காலனி -3' படத்தின் போஸ்டர் வெளியானது!
• 
  வித் லவ் படத்தின் ரிலீஸ் தேதி அறிவிப்பு
• 
  புத்தாண்டு பிறந்தாச்சு..... ஓடிடியில் புதுப்படங்களும் வரிசை கட்ட ...